135. 7 Centure M. Nostrdamus (original).

LEGIS CAVTIO CONTRA INEPTOS
CRITICOS.

Omnesque Astrologi, Blenni, Barbari procul sunto,
Qui legent hosce versus, maturé censunte
Prophanum vulgus & inscium ne attrectato
Qui aliter faxit, is rité sacer esto.

LES VRAYES CENTVRIES ET PRO-
pheties de Maistre Michel Nostradamus.

CENTVRIE SEPTIEME

VII. 1.
Au faict Royal le comment sera sceu,
Aux procrees sceu la quadrangulaire
L'Arc du thresor par Achilles deceu
Corps veu pendu au veu du populaire.

VII. 2.
Par Mars ouuert Arles ne donra guerre,
Noir, blanc à l'inde dissimulé en terre,
De nuict seront les soldats estonnez
Sous la saincte ombre traistre verrez & sonnez.

VII. 3.
Apres de France la victoire nauale,
Les Barchinons, Sallinons, les Phocens,
Lierre d'or, l'enclume serré dedans la balle,
Ceux de Prolon au fraud seront contens. G iiij

VII. 4.
Le Duc de Langres assiegé dedans Dole,
Ceneue, Auspourg ioinct ceux de Mirandole,
Accompagné d'Ostun & Lyonnois
Passer les monts conter les Anconnois.

VII. 5.
Vin sur la table en sera respandu,
Le tiers n'aura celle qu'il pretendoit
Deux fois du noir de Parme descendu
Perouse à Pise fera ce qu'il cuidoit.

VII. 6.
Naples, Palerme, & toute la Cecile,
Par main babare sera inhabitée,
Corsicque, Salerne & de Sardeigne l'Isle,
Faim, peste guerre, fin de maux intemptée.

VII. 7.
Sur le combat des grands cheuaux legers,
De nuict tuer mont, habits de bergers,
On criera le grand croissant confond
Abismes rouges dans le fossé profond.

VII. 8.
Flora, fuis, fuis le plus proche Romain,
Sang espandu, les plus grands prins à main,
Au Fesulan sera conflict donné
Temple ne sexe ne sera pardonné.

VII. 9.
Dame à l'absence de son grand capitaine,
Sera priée d'amour du Viceroy,
Faincte promesse & mal'heureuse estreine
Entre les mains du grand Prince Barroys.

VII. 10.
Par le grand Prince limitrophe du Mans,
Par mer & terre de Gallois & Normans,
Preux & vaillant chef de grand exercite
Caspre passer Barcelonne pillé Isle.

VII. 11.
L'enfant Royal contemnera la mere,
Oeil, pieds blessez, rude, inobeissant,
Nouuelle à dame estrange & bien amere
Seront tuez des siens plus de cinq cens.

VII. 12.
Cahors, Moissac iront long de la serre,
Aux dieux assemble les excusez
Le grand puisnay fera fin de la guerre
Reffus Lestore, les Agenois rasez.

VII. 13.
De la cité marine & tributaire,
Chasser sordide qui puis sera contraire,
La teste raze prendra la satrapie
Par quatorze ans tiendra la tyrannie.

VII. 14.
Faux exposer viendra topographie,
Pulluler secte, faincte philosophie,
Seront les cruches des monuments ouuertes
Pour blanches, noires, & pour antiques vertes.

VII. 15.
Deuant cité de l'Insobre contrée,
Le tresgrand Roy y fera son entrée,
Sept ans sera le siege deuant mis
Cité puis libre hors de ses ennemis.

VII. 16.
L'armée des trois Lyons sera deffaicte,
Entrée profonde par la grand Royne faicte
Rendra le lieu puissant inaccessible
Faisant dedans cas hideux & terrible.

VII. 17.
Le Prince rare en pitié & clemence,
Apres auoir la paix aux siens baillé,
Viendra changer par mort grand cognoissance,
Par grand repos le regne trauaillé.

VII. 18.
Les assiegez couleront leurs paches,
Sept iours apres feront cruelle issuë,
Sept mis à l'hache Dans repoulsez, feu sang
Dame captiue qu'auoit la paix tissuë.

VII. 19.
Le fort Nicene ne sera combatu,
Vaincu sera par rutilant metal,
Son faict sera vn long temps debatu
Aux citadins estrange espouuantal.

VII. 20.
Ambassadeurs de la Toscane langue,
Celuy de veau exposera l'harangue,
Auril & May Alpes & mer passer
Vie Gauloise ne venant effacer.

VII. 21.
Par pestilente inimitié Volsicque,
Au pont de Sorgues se fera la traffique,
Dissimulée chassera le tyran
De mettre à mort luy & son adherant.

VII. 22.
Les Citoyens de Mesopotamie,
Irez encontre amis de Tarraconne,
Ieux, rits, banquets, toute gent endormie
Vicaire au Rosne, prins cité, ceux d'Ausone.

VII. 23.
Le Royal sceptre sera contrainct de prendre,
Puis que l'aneau on fera mal entendre,
Ce que ses predecesseurs auoient engagé
Lors qu'on viendra le palais saccager.

VII. 24.
L'enseuely sortira du tombeau,
Empoisonné auec œufs de Barbeau,
Fera de chaines lier le fort du pont
Grand de Lorraine par le Marquis du Pont.

VII. 25.
Par guerre longue tout l'exercice expuiser,
Lieu d'or d'argent, cuir on viendra cuser,
Que pour soldats ne trouueront pecune
Gaulois aerain, signe croissant de Lune.

VII. 26.
Fustes & galees autour de sept nauires,
Chef de Madric receura coup de vires,
Sera liurée vne mortelle guerre
Deux eschapées, & cinq menées à terre.

VII. 27.
Au cainct de Vast la grand caualerie,
Proche à Ferrage empesché au bagage,
Pompe a Turin feront tel volerie,
Que dans le fort rauiront leur hostage.

VII. 28.
Le capitaine conduira grande proye,
Enuironné, par feu fera telle voye,
Sur la montagne des ennemis plus proche
Tous eschappez, or trente mis en broche.

VII. 29.
Le grand Duc d'Albe se viendra rebeller,
Le grand de Guise le viendra debeller,
A ses grands peres fera le tradiment
Captif mené & dressé monument.

VII. 30.
Le sac s'approche, feu, grand song espandu,
Po, grand fleuues, aux bouuiers l'entreprinse,
De Gennes, Nice, apres long attendu,
Foussan, Turin, à Sauillan la prinse.

VII. 31.
De Languedoc, & Guienne plus de dix,
Grans Allobroges marcher contre Brundis,
Mille voudront les Alpes repasser
A quin & Bresse les viendront recasser.

VII. 32.
Du mont Royal naistra d'vne casane,
Qui caue, & compte viendra tyranniser,
Dresser copie de la marche Millane,
Fauene, Florence d'or & gens espuiser.

VII. 33.
Par fraude, regne, forces expolier,
Deux faincts amis se viendront t'allier,
La classe obsesse, passages à l'espie
Esueiller haine de long temps assoupie.

VII. 34.
En grand regret sera la gent Gauloise,
Pain, sel, ne vin, eau, venin ne ceruoise,
Cœur vain, leger croira temerité
Plus grand captif, faim, froid, necessité.

VII. 35.
La grande poche viendra plaindre, pleurer,
D'auoir esleu Guiere auec eux ne voudra demeurer
trompez seront en l'aage
Deceu sera par ceux de son langage.

VII. 36.
Dieu, le ciel tout le diuin verbe à l'onde,
Porté par rouges sept razes à Bizance,
Contre les oingts trois cens de Trabisconde
Deux loix mettront, & borreur, puis credence.

VII. 37.
Dix enuoyez, chef de nef mettre à mort,
Confusion chef, l'vn se picque & mord,
D'vn aduerty, en classe guerre ouuerte
Leryn, stecades nefs, cap dedans la nerte.

VII. 38.
L'aisné Royal sur coursier voltigeant,
Gueulle, lepée, pied dans l'estrein pleignant,
Picquer viendra si rudement courir
Trainé, tire, horriblement mourir.

VII. 39.
Le conducteur de l'armée Françoise,
Par sus paué de l'auaigne & d'ardoise,
Cuidant perdre le principale phalange
Soy parfondra par Gennes gent estrange.

VII. 40.
Dedans tonneaux hors oingts d'huile & gresse,
Seront vingt vn deuant le port fermez,
Au second guet par mort feront proüesse,
Gaigner les portes, & du guet assommez.

VII. 41.
Les os des pieds & des mains enserrez,
Par bruit maison long temps inhabitée,
Seront par songes concauant deterrez,
Maison salubre & sans bruit habitee.

VII. 42.
Deux de poison saisis nouueaux venus,
Par le soüillard tous deux au faict cogneus,
Dans la cuisine du grand Prince verser
Prins qui cuidoit de mort l'aisné vexer.

AUTRES QUATRAINS

qui se sont
soubs la Centurie septiesme
tirez de 12 dont en ont esté reiectez 8
trouuez és Centuries prudentes.

VII. 73.
REnfort de sieges manubis & maniples
Changez le sacre & passe sur le prosne,
Prins & captifs n'arreste les prez triples
Plus par fonds mis, esleué, mis au trosne.

VII. 80.
L'Occident libres les Isles Britanniques
Le recogneu passer le bas, puis haut
Escotiques Ne content triste Rebel corff
Puis rebeller par plus & par nuict chaut.

VII. 81.
La stratageme simulte sera rare
La mort en voye rebelle par contrée,
Par le retour du voyage Barbare
Exalteront la protestante entrée.

VII. 83.
Vent chaut, conseil pleurs, timidité,
De nuict au lit assailly sans les armes,
D'oppression grande calamité,
L'epithalame conuerty pleurs & larmes.

F I N