Предыдущая публикация
Тул воктене кумалтыш
Тул Водыж, Тул Ава, йылмет пӱсӧ, шикшет кужу. Шикшет дене Поро Кугу Юмылан, Пиямбаржылан, Витньызыжлан шуктен виктаре. Йодмашем (йодмашнам) шукто.
Тул Водыж, пӱсӧ йылмет дене , кужу шикшет дене, айдеме толмач тый улат, кокла коштан ит ыште. Кӧ мылам осалым шона, Поро Юмо, ойыро, кугырак Пиямбаржылан пуен шого. Кумалшаш пиал дене ӱмыр гычат ит кӱрылтыктӧ, сурт гычат, еш илыш гычат, окса дечат, вургем дечат ит кӱрылтыктӧ, шочшо дечат, кинде дечат, вольык дечат ит кӱрылтыктӧ! Кугырак Пиямбарже, мый тый дечет мом йодам – тазан илаш йодын шогем, ундыр гай погым погаш, варсеҥге гай вычыматен, пелдыш гай пеледын, ӱжара гай волгалтын, тылзе гай нӧлталтын, мӱкш гай еш дене ызгалтен, сурт дене илаш йӧным ыштен шого!
Тул Водыж, Тул Ава, тиде кумалтыш Юмылан алал лийже! Юмо йӧратыже!
Следующая публикация
Нет комментариев