Һаумыһығыҙ,ауылдаштар! Гүзәл Үлмәҫҡолова көйө Фәнүзә Зөлҡәрнәева һүҙҙәре 1.Һаумыһығыҙ,ауылдаштар, Сәләм һеҙгә,яҡташтар! Хәйерле көн,яҡындарым, Ҡәрҙәштәр,һабаҡташтар! Ҡушымта: Һаумыһығыҙ,ауылдаштар! Бөгөн байрам,тантана! Гармун көйөнә ҡушылып, Күңелдәрҙән моң тама. 2.Тыуған ауылым,гүзәл ерем Матур байрам уҙғара. Зат-нәҫелдәр ҡорҙар йыйған, Ҡәңәшләшеп үҙ-ара. Ҡушымта:шул уҡ. 3.Кемдер гармун һыҙҙыра, Кемдер моңло йыр һуҙа. Дәртле,сәмле ярыш бара- Кем еңә лә кем уҙа?! Ҡушымта:шул уҡ. 4.Эй,гәзиз дә тыуған ауылым, Гөрләп йәшә һәр ваҡыт. Ташламаһын һине бәхет, Шатлыҡ,бәрәкәт һәм ҡот! Ҡушымта : шул уҡ.