Ona...

Onang sening Jannating.
Onang seni Deb qanchalar qiynalganini bilasanmi? Seni qornida ko'tarib yurgan paytda. Kechalari yaxshi uhlay olmasdan, bezovtalanib, tuni bilan seni o'ylagan. Seni Deb ovqatni ham yaxshi yeyolmay. Seni Deb nechi marttalab doktorlarga borib, sog'ligiga ziyon bo'lsa ham ʺUZIʺ GA tushib kerak bo'lsa ukollarni olgan. Seni dunyoga keltiryatkan paytta esa qanchadan qancha qon yo'qotib, o'lim havotirida seni dunyoga keltirgan... SEN bularni bilasanmi?
Tug'ilganingdan so'ng esa kechalari uhlamay seni qarab chiqqan, seni och qolmasin Deb har soatda emizgan, tagingni ho'llab qo'ysan hech jirkanmay balki hursand bo'lib tagingni tozalagan. Seni Deb uyqusidan kechgan, sog'ligidan kechgan, xohish-istaklaridan kechgan. SEN bilasanmi?
Seni doim o'ylagan, senga dunyoni tanitib til o'rgatgan, senga yurishni o'rgatgan. SEN biron narsani sindirib qo'ysang seni urushmasdan orqangdan tozalagan...
SEN bularni bilasanmi?
Maktab yoshiga yetganingda esa seni maktabga tayyorlab so'ngra qo'lingdan yetalab maktabga olib borgan, darslaringni birga tayyorlashgan, biron kamchiliging bo'lsa olib bergan. Seni maktabda qilgan sho'xliklaring tufayli ustozingdan tanbex eshitgan. Qachon Uyda yo'q bo'lsang seni o'ylab sendan havotir olgan. SEN uchun bahtidan, uyqusidan, sog'ligidan, halovatidan, hayotidan, jonidan kechishga tayyor bo'lgan Zot bu-Onadir...
Afsus. Qanchadan qancha farzandlar Onasini yig'latadi, kechalari kech kelganda Onasi uni uhlamasdan kutib o'tirganini ko'rib Onasini jirkib beradi... Ey farzand axir Onang senga qanchalar Mehribon bo'lganini VA seni qanchalar yaxshi ko'rishini bilmaysanmi? Onani rozi qilmagan inson ikki dunyoda xor bo'lishini bilmaysanmi?
Payg'ambarimiz (s.a.v.) aytganlar: ʺ Onang seni Jannating Yoki Do'zaxingdir, uni Rozi qilsang Jannatga kirasan, norozi qilsang Do'zaxga kirasan!ʺ. Azizlar. Onalarimizni borida qadrlariga yetaylik. Ularni butun umr boshimizda ko'tarib yursak ham Ular bizni bir Kecha uhlamasdan qarab chiqqanichalik bo'lmaydi. Shunday bo'lsa ham Ularga mehr beraylik. Bahtimizga Onajonlarimiz sog' bo'lsinlar...
Неча кунки йўқ оромим
Келолмайман ҳушимга.
Онажоним кечалари
Кириб чиқар тушимга.
Қўлларида оқ элпиғич
Ой нурида ялтирар.
Онажоним имлаб мени
Қошларига чақирар.
Келтирарлар гоҳо бешик
Кўзларида ҳаяжон.
Ётар пайтинг бўлди-ку дер,
Кела қол, дер, болажон.
Қайларгадир югураман,
Фиғонимдан чиқар дуд.
Йиғлама, деб қўлларимга
Тутқазарлар сўнг тобут.
Тонгда руҳсиз кўз очаман,
Қовурилар танда жон.
Онажоним, бундай қилма,
Бундай қилма, онажон.
Ахир ўзинг дер эдинг-ку,
Силаб ўксук бошимни:
— Энди сенга берсин умр,
Сенга берсин ёшимни.
Афсус, ўзинг эрта кетдинг,
Эрта кетдинг оламдан.
Укаларим бағрим эзар,
Ажрадик деб онамдан.
Бевақт хазон бўлмай ҳар ким
Ёшаб ўтсин дунёда.
Онажоним, ҳар ким ошин
Ошаб ўтсин дунёда.
Гарчи фано ҳар кимсага
Азалий бир қисматдир.
Лекин, она, тириклик ҳам
Билсанг, ярим ҳикматдир.
Тушларимда, майли, бошим
Силаб тургин, онажон.
Қолганларга энди умр
Тилаб тургин, онажон.
II
У кун четда оҳ чекардим
Ғуссаларнинг дастидан.
Сен отамга пул берибсан
Ёстиғингнинг остидан.
Айтибсанки, онасизлик
Келмасин ҳеч ўйига.
Сарф қилингиз, менга эмас,
Абдулланинг тўйига.
О, ўғлингга сен шафқатни
Билардинг-ку, онажон.
Бундан кўра бағрим ўйсанг
Бўларди-ку, онажон.
Заррагина раҳм этгали
Сабринг менга йўқмиди?
Онажоним, бундан ўзга
Жабринг менга йўқмиди?
Йўқмиди ҳеч ўзга гапинг, —
Нола қилиб сўйласанг.
Наҳот, ахир сўнгги дам ҳам
Фарзандингни ўйласанг.
Ахир орзу қочиб кетмас,
Битказар-ку тириклар.
Онажоним, бир кунини
Ўтказар-ку тириклар.
Унутилар ғуссалар ҳам,
Орзулар ҳам чўзар бўй.
Онажоним, балки бир кун
Айтганингдай бўлар тўй.
Балки сенинг қабринг узра
Кўкарганда гул, чечак,
Остонамга қадам қўяр,
Сен истаган келинчак.
Кимдир унинг йўлларига
Балки гул ҳам сочади.
Балки мунис опажоним
Кел, деб, қучоқ очади.
Балки дўстлар даврасида
Камим бўлмас ҳеч қачон.
Лекин сени ўша дамда
Қайдан топай, онажон.
III
Эсимдадир, титрар эдим —
Ғамгин, болиш пастида.
Китобимни кўрдим ногоҳ
Бошгинангнинг остида.
Тошдай қотдим ўшал они
Бор тоқатдан айрилиб.
— Шоир ўғлим, — дединг менга
Секингина қайрилиб.
Онажоним, сўнг бор менга
Нафас қилдинг у замон.
Шоир бўлгин, дея балки
Ҳавас қилдинг у замон.
Онажоним, балки мен ҳам
Бир кун шавққа тўларман.
Балки мен ҳам айтганингдай
Бир кун шоир бўларман.
Куйлай десам ҳурматингни
Ушбу кунда тилим лол.
Балки фақат шу сабабли
Шоир бўлсам эҳтимол.
Балки сарсон-аросатда
Қолиб кетмас бу таним,
Камолимни кўрар балким,
Юртим, она Ватаним.
Пайти келиб тўлар бир кун
Паймона ҳам беомон.
Кузатарлар мени ҳам сўнг
Сенга томон, сен томон.
Балки у кун бошим узра
Дўстлар бош ҳам эгадир.
Ўша дамги иқболим ҳам,
Онажоним, сенгадир.
Дилда неки журъатим бор,
Дилда неки ҳаяжон,
Бари, бари сенга бўлсин,
Сенга бўлсин, онажон.
Сенга бўлсин бор ҳаётим,
Номим, шоним бир йўла.
Хотирангга ушбу шеърни
Ёзди ўғлинг Абдулла.
Shum Bola...
Abdulla oripov sheri