Ցավով տեղեկացա երեկ, որ օգոստոսի 25-ին Ուզբեկստանի մայրաքաղաքում՝ Տաշկենտում, 82 տարեկանում, մահացել է հորեղբորս կինը՝ մեր անչափ սիրելի Ռիմա տյոտյան։ Վերջին անգամ հանդիպել ենք 5 տարի առաջ՝ 2015-ի հուլիսի 21-ին, Արտաշատի Ոստան գյուղում, իր եղբոր՝ Յուրի Ասրյանի տանը, զրուցել ենք, զբոսնել գյուղում, այցելել գերեզմանոց։
Հիմա ինքը ևս չկա, դժվարությամբ եմ ասում այս բառերը, պարզապես չեմ հավատում իրերի նման ընթացքին, բայց փաստը մնում է փաստ։ Իմ խորին ցավակցությունն եմ հայտնում մեր բոլոր հարազատներին, հատկապես՝ իր որդիներին՝ Սերոժիկին ու Սաքոյին, մաղթում համբերություն։