მადრიდის "ატლეტიკოს" ცენტრალური ნახევარმცველის, მარიო სუარესის ტრავმა საკმაოდ სერიოზული აღმოჩნდა.

ესპანელი მოთამაშე გუშინდელ ამხანაგურ შეხვედრაში დაიმტვრა. მადრიდის "ატლეტიკომ" 5:1 დაამარცხა "ვოლფსბურგი", მაგრამ შესაძლოა დიდი ხნით დაკარგოს მარიო სუარესი. მარიო ერთ-ერთ ეპიზოდში თანადგუნდელ კრისტიან ანსალდის შეეჯახა თავით, მიიღო ძლიერი დარტყმა და ძირს უგონოდ დაეცა. ის უმალვე გადაყვანილი იქნა საავადმყოფოში, სადაც პირველადი შემოწმების შემდეგ ტვინის ქალის დაზიანება დაუდგინდა. სუარესს აუცილებლად სჭირდება უფრო დეტალური შემოწმება, რის გამოც ის დარჩა გერმანიაში, დანარჩენი გუნდი კი დაბრუნდა მადრიდში. მარიო გონს როცა მოვიდა, კომენტარიც გააკეთა: "მე უკვე გაცილებით უკეთ ვარ. მე ძალიან შემეშინდა, ყველას გიხდით მადლობას მხარდაჭერისათვის და შეტყობინებებისათვის".