Предыдущая публикация
Эрзянь теле, эрзянь веле,
Эрзянь ават канднить ведь.
Эрзянь нурдсо эрзянь кудос
Эрзянь атя уски пенгть.
Эрзянь банясь уштовсь, явась,
Анок, лоподсь килей тенсть, Кевтнес ведьте кече каят,
Псиденть кинети киськесь!
Полок лангс мон нейке кузян,
Венстьса рунгом, пси тык пси
Лелянь кедьсэ лопав тенстесь Кутьмергам киштезь кишти!
Превем чарыть баня псиденть,
Баня кудыкелев сеск!
Лелям раки: - Монат пицевсть?!
Кельме ведсэ мельгам - плесть!!!
Телень вармась эрзянь чамас
Пуви, а панжовить сельмть...
Чиезь кудов! Тосо авась
Пурнась чай, ярсамкат-мезть... Эрзянь теле, эрзянь веле,
Леенть трокска эень сэдь,
Эрзянь кудо, эрзянь баня,
Эрзянь лисьмапрясто ведь...
***
Эрюш
Присоединяйтесь к ОК, чтобы посмотреть больше фото, видео и найти новых друзей.
Комментарии 4