Кода эрзякс меремс "глянцевый"?
Интернетсэ неинь истямо сёрмадовкс эрзякс: "Мордовиядо глянцевой журналось интернэтсэ сеск салынзе ловныцянзо мельтнень."
Те валрисьмесэнть сельмезэм каявсь сельмень кериця "глянцевой" валось.
Арсезевинь: мезе, виде-паро арась минек сюпав, гайтев эрзянь кельсэнек истямо эрзянь вал?
Мезе, минек сэрдятне ламо тёжань перть эзть муе, кода эрзякс меремс "глянцевый"?
Панжинь зярыя эрзянь валкст... Ули сон, эрзянть те мазый валось!
Сонзэ тенек, эрзят, содама!
Кецязевинь. Прынь мельс, тыненкак невтемест неть эрзянь валтнэнь, конат лездыть тенк "глянцевой" валонть ёвтамонзо эрзякс:
РЭС. 1948. с.66
Глянец - цивтёрдома, цивтордома
Глянцевитый - цитниця
ЭРВ-РЭС.1993.с.154:
Цивтёрдыця - мерцающий, мигающий, поблёскивающий
Цивтёрдомс - мерцать, мигать, блеснуть, поблёскивать
с.155:
Цитнема - блистание
РМС. А.П.Феоктистов. с.42:
Цитнема, ци(в)тордома - блеск
Вандолкс - отблеск, вспышка
Кивчк меремс - вспыхивать, давать вспышку, отсвечивать
Кивчкадемс - блеснуть, сверкнуть
Цимболдомс, цимбельдемс - сверкать, блестеть
Цивтёрды-вандолды - глянцевый
Цивть мери - глянцевый...
Эрюш
Присоединяйтесь к ОК, чтобы посмотреть больше фото, видео и найти новых друзей.
Комментарии 3
Цитняжа - глянцевый
Минек велесэ неть валтнэнь чарькодемаст вана истят.
Цивторды, цитне - блестит
Цитерды - поблёскивает
Кувтелды - мерцает
Липае, липни - мигает