Предыдущая публикация
Баъди му мидов.
«Баъди мидов тар му кабар гул рибидов чиз бакор»?
Хам му таъриф,хам ху гунчат зорд тидихтов чиз бакор,?
Нур му фахмет зиндагиндират.ди мудум бедарак,
Оху ноланат фигонат шанд гимехтов чиз бакор.?
Кайи вад рузен ачаб даркори зорум вуд тамард,
Нур му умри даршикастат му хикидов чиз бакор.?
Мунд му нанчон донд мурд вад йивикафат бовафо,
Бе вамаф кафан му чисмардир пинивдов чиз бакор,?
Лак му хоктир му рафикен зен кадахят ёд кинен,
Бе кадахят бе рафикен дисга мидов чиз бакор,?
Ошикенард панд сод дончат вудум ошики зор,
Бе ху ишкаф аз чахонандир тидов чиз бакор.?
Ишк тоза вид диландират ца вид аз дили чон,
Ёр авен баъд аз му мидов нур циривдов чиз бакор,?
Вуз ди туйдум аз чахон лакин му хоктир чамъ сен,
Хех кавмат ахл авлодат ю нивдов чиз бакор,?
Эй Зохир,ху умрият ёдат начудат гандаги,
Аз му хоктир ёру дустон нур рицистов чиз бакор.?
Следующая публикация
Нет комментариев