Предыдущая публикация
Қўй йиғлама, сабр қил аёл,
Жабр қилган тортар жабрини.
Қайтар дунё шуни бил аёл,
Аллоҳ синар банда сабрини.
Қўй йиғлама жонингни қийнаб,
Йиғлатганни Худога солгин.
Йўқлигингни бахш этгин сийлаб,
Соғинтириб қасдингни олгин.
Қўй йиғлама болангни қучиб,
Кўз ёшинга арзимас кетган.
Бу ҳаётдан қолдингми чўчиб,
Қани айтчи ким ишққа етган.
Қўй йиғлама, ёлғиз қолдим деб,
Эрта индин ўтар бу кунлар.
Нолийверма ҳар кимга ҳадеб,
Унут бўлар ҳали бу унлар.
Қўй йиғлама алданган бўлсанг,
Алданади у ҳам бир куни.
Қарғамасдан таваккал қилсанг,
Узр сўрар кейин ҳар куни.
Қўй йиғлама, оғир кунда ҳам,
Бардошли бўл қирқтаку жонинг.
Сенсиз сахро бўлар бу олам,
Кўрк бағишлар ҳаётда боринг.
Следующая публикация
Нет комментариев