Пяты год запар народная студыя аматарскай літаратурнай творчасці “Крынічка” цэнтральнай раённай бібліятэкі імя І.Чыгрынава збірае на конкурс чытальнікаў і аўтараў паэтычных твораў “Зямля пад белымі крыламі” аматараў паэзіі з горада Касцюковічы і Касцюковіцкага раёна. За гэты час конкурс стаў ужо традыцыйным мерапрыемствам з ліку тых, што кожны сакавік праходзяць у рамках святкавання Сусветнага дня паэзіі. Аднак, паэтычны конкурс – гэта не толькі пра паэзію і добрае мастацкае чытанне вершаў, але і пра змест таго, што мы кажам людзям з дапамогай паэтычнага слова. І таму кожны год да конкурсу мы прапануем новыя тэмы, каб звярнуць ўвагу ўдзельнікаў на хвалюючыя наша грамадства пытанні і праблемы
У гэтым годзе споўнілася 110 гадоў з дня нараджэння народнага паэта Беларусі, нашага знакамітага земляка Аркадзя Куляшова. 6 лютага, у дзень нараджэння пісьменніка, народная студыя аматарскай літаратурнай творчасці “Крынічка” Касцюковіцкай цэнтральнай раённай бібліятэкі імя І.Чыгрынава запрасіла ў раённы Цэнтр культуры ўсіх прыхільнікаў паэзіі і роднага слова на літаратурна-музычную вечарыну “Я на ўсё жыццё абраў дарогу…”, якая была прысвечана гэтай цудоўнай і важнай даце літаратурнага календара. Для прысутных гэты дзень стаў сапраўдным святам. На ўваходзе ў глядзельную залу гасцей сустракала кніжная выстава “Волат беларускай паэзіі”, а на сцэне раённага Цэнтра культуры ўвазе прысутных была