Предыдущая публикация
Чуьнуьхдач за гьиссер жуван
Рик/ева вун хайи Ватан.
Зи Каспий гьуьл, Кавказ кьакьан
К/анда заз лап,гьа диде кьван.
Къацу чуьллер,мехмер хьтин
Дагъдин рекьер туш заз четин.
Михьи гьава кьуд пад ачух
Нефес къачуз ,жезвач гьич тух.
На сергьятар тухвана ви
Галк/урнава цавухъ вили
Ви булахри михьи,серин
Лугьузва заз мани рик/ин.
Галатзавач чи Къавкъаздагъ
Къужахда кьаз,чим гузвай рагъ.
Рехи тахьуй лугьуз чуру
Ифириз тваз адав хуру.
Марфади гатай ви синер
Бириш хьанва ,ама гелер.
Къати гаруз,гайи ваз рум
Валай алакьна,гуз дурум.
Писдаз ,туьнбуьгьиз к/евелай
Квахь лугьуз михьи чилелай
Къастарал к/еви,зи Кавказ
Гьак/ тирвиляй к/анда вун заз.
Присоединяйтесь к ОК, чтобы посмотреть больше фото, видео и найти новых друзей.
Комментарии 13