Предыдущая публикация
Мин – синеке!
Сагышыңда калам,
Җырларыңда,
Былбыл моңы булып талларыңда !
Өмет тулы хисле көннәреңдә
Мөлдерәмә тулып - җаннарыңда!
Шатлыгың да , хәсрәтең дә булып
Хәтереңдә мәңге калыйм әле!
Томса көндә кояш булмасам да,
Кара кайгың булып калмыйм әле!
Җан- тәнеңә терәк булырмын ул,
Ә син миңа терәк булырсыңмы?
Җан җылысы көткән чакларымда
Җылың белән кирәк булырсыңмы?
Шулай булсаң – мин көтәргә риза!
Синнән өмет кузы алалсамчы!
Бер – ике көн түгел , мәңгелеккә
Мин синеке булып калалсамчы!
Следующая публикация
Комментарии 15