Предыдущая публикация
Гоҳида йиқилдик, гоҳда келдик бас, Гоҳида суяндик эгилган бошга.
Ишонганинг сенга қилганида қасд, Кимга суянасан Худодан бошқа!
Қанча қаср кўрдик, қанча вайронлар, Кўрдик йиқилганни етганда ошга! Сени сотганида дўсти ёронлар, Кимга суянасан Худодан бошқа!
Оғриқлар кетмайди, оғринганларинг Баъзида топинса сен қолиб тошга! Сендан юз ўгирса соғинганларинг, Кимга суянасан Худодан бошқа!
Жоним деб билганинг жонингдан чақса, Сиғиниб борганинг зор қилса ёшга! Топиниб келганинг гар чаён чиқса, Кимга суянасан Худодан бошқа!
Эй ёрон, дарёмиз, тинмагайдирмиз, Барибир кўнармиз не тушса бошга! Худо хоҳламас, синмагайдирмиз, Кимга суянамиз Худодан бошқа!
Следующая публикация
Комментарии 3