Набыла кнігу Міхаіла Кацара - даследчыка значэнняў сімвалаў беларускага арнаменту. Словы ў прадмове у мяне, географа, адгукаюцца ў сэрцы. Ніжэй пару радкоў з прадмовы (праўда, замест слова "язычніцтва" лепш выкарыстоўвала б "дахрысціянскія, традыцыйныя вераванні продкаў", бо такі выраз больш паважлівы да нашых продкаў, не абясцэньвае іх каштоўнасці і мудрасць): "Язычніцтва нясе ў сабе ідэю цеснай сувязі з прыродай, пакланення яе сілам, Бацьку-Сонцу і Маці-Зямлі. Гэта ідэя, сэнс якой мы закладваем сёння ў паняцце "экалогія", ідэя, якая процістаіць жорсткасці, насіллю, знішчэнню. Такім чынам, праз тысячагоддзі да нас дайшлі вобразы і сімвалы любові да прыроды, працы, чалавека. Што і казаць пр
Катастрофа ў выніку вар'яцкай вайны на Кахоўскай ГЭС - гуманітарная, экалагічная і кліматычная. Ад яе ўжо пацярпелі дзясяткі тысяч людзей, якія страцілі нажытае дзесяцігоддзямі, працай некалькіх пакаленняў. Загінулі тысячы жывёл, у тым ліку жывёлы Заапарку ў акупаванай Новай Кахоўцы. Але гэта толькі пачатак, бо ў ваду трапіла вялікая колькасць забруджванняў. І гэта ўсё трапіць у акваторыю Чорнага мора - загіне вялікая колькасць жывёльнага свету. На месцы былога вадасховішча, пасля сыходу вады, застанецца тоўсты слой ілу. Пасля высыхання ён пераўтварыцца ў цвёрды корак, а потым, магчыма, - у пустыню. І гэта паўплывае на водны баланс усяго рэгіёну, бо ў прыродзе - усё ўзаемазвязана. Зразумела
Як і абяцала, прапаную расшыфроўку ўчорашняй #крыжаванкі_для_вышыванкі У вас атрымаўся сімвал "Дрэва жыцця"? Дрэва Жыцця - сімвал Жыцця, які ўвасабляе барацьбу Дабра са Злом, напамінае пра еднасць і ўзаемадзеянне ўсяго жывога на Зямлі, нагадвае пра ўзаемасувязь з нашымі каранямі - з нашымі продкамі. Падабаецца гэты сімвал. Даволі часта выкарыстоўваю. Калі вышываю яго, то быццам адчуваю сувязь са сваімі каранямі. Цікавае меркаванне пра светапогляд нашых продкаў і адносіны да "Дрэва жыцця" можна чытаць па спасылцы. https://nastavnica.by/belaruskie_rushniki/ Генетычны код продкаў натхняе паглыбляцца ў пазнанне беларускай візуальнай мовы і вяртацца да вытокаў. #ВоляВялля#VolaVialla#Вярт