❗ Я выступаю за выкарыстанне ўсіх законных спосабаў для грамадскага дзеяння: ад КОТГСаў - да масштабных партый.
Часта я чую, як некаторыя прыхільнікі пераменаў рэзка і негатыўна выказваюцца пра тыя ці іншыя палітычныя ініцыятывы: маўляў, усё адно не прапусцяць, не зарэгіструюць, не дадуць, не дазволяць. Я ж пераканана, што спрабаваць - трэба. Узгадаем, колькі крытыкі мы пачулі ў адрас платформы "Голас" і самой ідэі ўдзелу ў выбарах 2020-га. І цяпер мы бачым, што тыя, хто выступаў за ўдзел, за кансалідацыю вакол кандыдатаў - былі правы. Бачым, як "Голас" стаў адным з вядучых інструментаў нашай барацьбы, і менавіта ўдзел у выбарах - а не байкот - стаў фактарам усеагульнай беспрэцэдэнтнай мабілізацыі супраць дыктатуры.
Так, улада ўсімі сіламі і гвалтоўнымі метадамі спрабуе спыніць палітычную актыўнасць у нашай краіне і зрабіць яе рызыкоўнай. Але мы таксама бачым, як пры ўмове кансалідацыі, пры ўмове выкарыстання новых тэхналогій, пры ўмове даверу да тых, хто рызыкнуў паставіць на кон сваё жыццё - мы пачынаем ператварацца ў такую сілу, якая сапраўды здольная на перамогу. І таму я выступаю за выкарыстанне ўсіх законных спосабаў для грамадскага дзеяння: ад КОТГСаў - да масштабных партый. І я падтрымліваю ўсіх, хто ідзе гэтым шляхам, ведаючы загадзя, з якімі неймавернымі цяжкасцямі ім прыйдзецца сутыкнуцца. Але чым менш скептыцызму і болей дзейснай падтрымкі ад кожнага - тым болей шанцаў, што мы хутчэй прыйдзем да якасных зменаў у нашай краіне. Бо пабудова дэмакратыі - гэта няспынны працэс, які патрабуе удзелу усіх грамадзян.
Комментарии 2