დღეს, 2 მაისს, ზუსტად 5 წელი გავიდა მას შემდეგ, რაც „ბარსელონამ“ მადრიდის „რეალი“ ლეგენდარულ „კლასიკოში“ დაამარცხა.

2009 წლის 2 მაისს, პეპ გვარდიოლამ გუნდი „სანტიაგო ბერნაბეუზე“ სათამაშოდ პირველად გაიყვანა. პირველ ადგილზე მყოფი „ბარსელონა“ მდევარ „რეალს“ 4 ქულით უსწრებდა. პრიმერას დასრულებამდე 5 ტური იყო დარჩენილი და მადრიდელთა მოგების შემთხვევაში, საჩემპიონო ბრძოლა უკიდურესად იძაბებოდა.თამაში მასპინძელთათვის კარგად დაიწყო - მე-14 წუთზე, იგუაინმა თავით ზუსტად დაარტყა და ანგარიში გახსნა. 6 წუთში წინ უკვე „ბარსელონა“ იყო. მე-18 და მე-20 წუთებზე გოლები ტიერი ანრიმ და კარლეს პუიოლმა გაიტანეს. კიდევ 16 წუთის გასვლის შემდეგ, თავი ლიონელ მესიმაც გამოიჩინა და „ბარსა“ წინ 2 ბურთით გაიჭრა.მე-2 ტაიმის პირველი გოლიც „რეალმა“ გაიტანა. 56-ე წუთზე თავი სერხიო რამოსმა გამოიჩინა. „ბარსამ“ ორბურთიანი უპირატესობა 3 წუთში, ანრის გოლით აღადგინა. 75-ე და 83-ე წუთებზე თითო გოლი მესიმ და პიკემაც გაიტანეს და თამაში კატალონიელთა გამარჯვებით, ანგარიშით 6:2 დასრულდა.ამ მოგების შემდეგ „ბარსელონა“ წინ 7 ქულით გაიჭრა, ხოლო სეზონი კატალონიელებმა სამივე ტიტულის მოგებით დაასრულეს.
didi eneBii daiiMooklet madridistebo..!<3:*