Предыдущая публикация
Язны ярыкъ гюнлери
Гелип юрек къувната,
Яз булан гелген сююнч
Сансаныбыз ойната.
Гёзел болгъан табиат
Чечек ачып тереклер,
Тербенип яшыл отлар
Сююндюре юреклер.
Бу аламат нечеде
Кепибиз хошлу эте,
Салкъын болса гечеде,
Гюннюз иссилик ете.
Къойсув ягъа эсгерип
Юрегибиз талпына,
Табарбыз биз не этипде
Онда барма багьана.
Барсакъ баягъы бола,
«Гьай аман къойсув ягъа»,
Бирёвлер агъач жыйып,
Бирёвлер отну ягъа.
От якъгъан сонг ярамас
Жыж-мыж этмей къоймагъа,
Боламу бу лезетден
Бир самада тоймагъа.
Къойсувну ягъасында
Арив сёзлерде айтып,
Гётерейик аякълар,
Гьаманда къайтып, къайтып.
Дагъыда кёп язланы
Гёрмеге насип болсун,
Къойсувну суву йимик
Юреклер таза болсун.
А.Хасаев.
Присоединяйтесь к ОК, чтобы посмотреть больше фото, видео и найти новых друзей.
Нет комментариев