5 мин. ·
Սաղմոս 13
ՄԱՐԴԿԱՆՑ ԱՆՕԳՆԱԿԱՆՈՒԹԻՒՆԸ
1 Անզգամն ասաց իր սրտում, թէ՝ չկայ Աստուած.
ապականուեցին ու պղծուեցին իրենց անօրէնութեան մէջ,
եւ չկայ մէկը, որ բարութիւն գործի:
2 Տէրն երկնքից նայեց բոլոր մարդկանց որդիներին՝
տեսնելու, թէ կա՞յ մի իմաստուն, որ Աստծուն փնտռի:
3 Բոլորը խոտորուեցին, միասին անպիտան դարձան.
բարութիւն անող չկայ, ոչ իսկ մէկ հոգի:
4 Ինչպէ՞ս չեն գիտակցում բոլոր նրանք, ովքեր անօրէնութիւն են գործում,
ովքեր խժռում են իմ ժողովրդին իբրեւ կերակուր ու հաց
եւ Տիրոջը չեն դիմում:
5 Այնտե՛ղ են երկիւղից սարսում, ուր երկիւղ չկայ,
քանզի Տէրը արդարների ազգի մէջ է:
6 Աղքատի մտածմունքը ամօթ համարեցին,
Տէրն է յոյսը նրա:
7 Ո՞վ կը տայ Սիոնից փրկութիւնն Իսրայէլի:
Երբ Տէրն իր ժողովրդին վերադարձնի գերութիւնից,
Յակոբը կը ցնծայ, եւ Իսրայէլն ուրախ կը լինի:
https://armchurch.am/app
Присоединяйтесь к ОК, чтобы посмотреть больше фото, видео и найти новых друзей.
Нет комментариев