Բարձրբերդ բերդը` Կիլիկիան Հայաստան։ Բարձրբերդը գտնվում է Սիս քաղաքից մոտ 30 կմ հեռավորության վրա` Տավրոսյան լեռների վրա, անառիկ վայրում և շրջակայքի նկատմամբ ունեցել է գերիշխող դիրք։ Բարձրբերդը եղել է Ռուբինյանների ստեղծած հայկական իշխանության աթոռանիստը։ Հետագայում այն դարձել է Կիլիկիայի հայ թագավորների գանձարան-դղյակը։
Վահկա բերդը` Կիլիկիան Հայաստան։
Վահկա բերդը հիշատակվում է դեռևս 7-րդ դ. սկսած։ 7-8-րդ դ. Վահկան եղել է Բյուզանդական կայսրության կարևոր ռազմական հենակետ։ Ամրոցը գտնվում է Սարոս գետի ափին` բարձր լեռան կատարին։ Վահկա բերդը հանդիսացել է Կիլիկիայում հաստատված Ռուբինյան իշխանների առաջին ու ամենակարևոր հենակետերից մեկը։