ХУ ПИР БИНЭСТУМ WУЗ!
Қоғзум зохът сафедво ху мидъуст,
Сут қалам ноwтэ тэр йухък раwӯн.
Та'тикум йодъ чу, ачга чӣрум wуз?
Зордьэ "ухъ" лӯдху чу'дэ су'захъ ҷӯн.
Та'т ца туйд умрэ хӣр бинэстум wуз!
Умрэ пӯндтӣр ху пир бинэстум wуз!
Та'т хирад хъа'р дарунга потхъо вуд,
Та'т ди тэр сит пибӣр бинэстум wуз!
Хистиҷин жӣз миғу'нд туҷа'т тъа'wум,
Ойэ сар дъуд дарун пидъӣнт, на'wум.
Остӯнат ту вудга ба'рнэхтӣр,
Ка'ра шич та'тхъикӣд ку нур са'wум?
Та'т ца туйд, мунд умедъ ба'нд зидухът,
Та'т ца туйд, зордъэ ас ҷуӯнга вирухът.
Ред ма'ш чӣд хъила' миғунд бену'р,
Та'т ца туйд, ку' тулӯ му тора нихухът.
Та'т! дуойум туҷа'т, ту ру' шод вед!
Охират чӣдга тунд обод вед!
Сента, Мавҷӣ ту мухъкилен осӯн,
Ас ту розӣ йича'йга най, дод вед!
Мавҷигул Мирхоҷа, 22.07.2020, н. Шуғнон.
Присоединяйтесь к ОК, чтобы посмотреть больше фото, видео и найти новых друзей.
Комментарии 12