Галерэя "Фотамастацтва" (размеркаваная) https://www.facebook.com/groups/minsk.exhibitions/ , Бібліятэка БДТУ https://bibl.belstu.by/ і мы, чатыры аўтара фотавыставы "Водар кахання", запрашаем у сталічны кінатэатр Дом кіно адчуць водар кветак, водар вясны і водар кахання! Вы ж памятаеце – Дзень святога Валянціна , а там і вясна!))
Пэўна, у кожнага ён свой - водар кахання. Салодкі пах язміну, падфарбаваны горкім бэзам, шалёныя пахі вясны – самай пары для нараджэння кахання. Летнія лятучыя водары: ліпы, ружы, лілеі, флоксаў.
Плямкі матылькоў, якіх вабіць пах летніх лугоў.
Як сыходзіць лета – прыходзяць багатыя восеньскія дні. Дні вяселляў, убраныя восеньскімі кветкамі з цягучым, падобным на пах смалы, водарам. Усё крэпкае восенню – каханне, водары, радасць, смак.
Зіма абнуляе жыцце, — белы снег, як экран для нашых ўспамінаў, як чыстая папера, на якой мы пачнем запісваць пажаданні на Новы год. Будзем чакаць вясну побач з каханымі і блізкімі. І зноў усе паўторыцца – вясна, лета, восень, зіма. І кожны будзе помніць свой водар кахання.
На нашай выставе вы ўбачыце фотаздымкі жывых кветак, матылькоў у натуральным асяроддзі, нацюрморты і букеты. Чатыры аўтары- чатыры погляды.
Няхай у вас, дарагія гледачы, наша выстава абудзіць цеплыя і прыемныя ўспаміны, застанецца ў сэрцы да наступнай сустрэчы!
Выстава праходзіць у Доме кіно, Мінск, б-р Талбухіна,18.
З 12 лютага па 31 сакавіка 2019 года. Уваход вольны
Куратар выставы Аляксандр Раковіч.
Присоединяйтесь к ОК, чтобы посмотреть больше фото, видео и найти новых друзей.
Нет комментариев