Предыдущая публикация
Во времена тяжких испытаний православные христиане помимо материальной помощи Отечеству для победы над врагом всегда усиливали своё молитвенное личное и общественное правило.
По Благословению святейшего Патриаха Московского и всея Руси Кирилла каждый день в храмах России за Божественной литургией читается молитва о Святой Руси:
Господи Боже сил, Боже спасения нашего, призри в милости на смиренныя рабы Твоя, услыши и помилуй нас: се бо брани хотящии ополчишася на Святую Русь, чающе разделити и погубити единый народ ея.
Возстани, Боже, в помощь людем Твоим и подаждь нам силою Твоею победу.
Верным чадам Твоим, о единстве Церкви Русския ревнующим, поспешествуй, в духе братолюбия укрепи их и от бед избави. Запрети раздирающим во омрачении умов и ожесточении сердец ризу Твою яже есть Церковь Живаго Бога, и замыслы их ниспровергни.
Благодатию Твоею власти предержащия ко всякому благу настави и мудростию Твоею обогати!
Воины и вся защитники Отечества нашего в заповедех Твоих утверди, крепость духа им низпосли, от смерти, ран и пленения сохрани!
Лишенныя крова и в изгнании сущия в домы введи, алчущия напитай, недугующия и страждущия укрепи и исцели, в смятении и печали сущим надежду благую и утешение подаждь!
Всем же во дни сия убиенным и от ран и болезней скончавшимся прощение грехов даруй и блаженное упокоение сотвори!
Исполни нас яже в Тя веры, надежды и любве, яко да единеми усты и единем сердцем исповемыся Тебе, Единому Богу в Троице славимому. Ты бо еси заступление, и победа, и спасение уповающим на Тя, и Тебе славу возсылаем, Отцу и Сыну и Святому Духу, ныне и присно, и во веки веков. Аминь.
Епископ Орский и Гайский так же благословил использовать следующую молитву:
Владыко Человеколюбче, Царю веков и Подателю благих, разрушивший вражды средостения и мир подавший роду человеческому, даруй и ныне мир рабом твоим(имена) и всем сродникам, и всея России, Украине, Белоруссии и всем православным христианам, вкорени в них страх Твой и друг ко другу любовь утверди: угаси всякую распрю, отъими вся разногласия и соблазны. Яко Ты еси мир наш и Тебе славу воссылаем, Отцу и Сыну Святому Духу, ныне и присно и во веки веков. Аминь.
Следующая публикация
Комментарии 5