У гэты перыяд было тры застоллі і тройчы рыхтавалі галоўную абрадную страву: куццю. Першую называлі Вялікай ці поснай, яна гатавалася на вадзе, разведзенай з мёдам. На Калядным стале павінна была быць няцотная колькасць страў або 12 як сімвал 12 месяцаў. Куццёй нашы продкі сканчвалі святочную вячэру, а пачыналі яны трапезу з супу альбо, як ў тыя часы казалi, з квасу. За калядным сталом заўсёды збіралася ўся сям'я, запрашалі нават самых далёкіх сваякоў, каб усе былі разам ў Новым годзе.
І вось вячэра зачалася!
Спыніцца мушу я на квасе:
Ён колер меў чырванаваты;
Тут быў таран, мянёк пузаты,
Шчупак, лінок, акунь, карась,
Кялбок і ялец, плотка, язь,
Яшчэ засушаныя з лета.
Але не ўсё яшчэ і гэта:
Аздоблен квас быў і грыбамі,
Выключна ўсё баравічкамі;
Цыбуля, перчык, ліст бабковы —
Ну, не ўясісь, каб я здаровы!
Пільнуй, — цішком скажу між намі, —
Каб і язык не ўцёк часамі.
За квасам елі верашчаку,
А потым блінчыкі на маку,
А там ламанцы-праснакі
З пшанічнай добрае мукі;
А макаў сок такі салодкі!
Ламанцы ў ім, ну, як калодкі —
Так добра макам праняліся,
У рот паложыш — абліжыся.
За прасначкамі йшлі кампоты,
Кісель з мядоваю сытою;
Вячэру скончылі куццёю,
Я. Колас "Новая зямля"
Присоединяйтесь к ОК, чтобы посмотреть больше фото, видео и найти новых друзей.
Нет комментариев