Предыдущая публикация
Իմ հրաշագեղ - գեղատեսիլ Ջավախք աշխարհի սիրելի հայրենակիցներ!
Շատ երկար մտորումներից հետո' այն է, արդյոք? իրավունք ունեմ խոսքով հանդես գալու և ասել' խոսքեր, խոսք' ի խորոց սրտի։ Այնուամենայնիվ , ծննդավայրիս կարոտից տոչորված, որտեղ այնքան վառ են մնացել իմ հիշողությունները, որոշեցի ,-- իմ այս գիր - ու ղերձով դիմել Ձեզ։ Անկեղծ ու անմիջական շնչով, ուզում եմ արծարծել Ջավախքի հասարակական կյանքին վերաբերող շատ թեմաներ, սրտաբաց զրուցել մարդկային փոխհարաբերությունների , գիր ու գրականության, երիտասարդության հարցերի շուրջ։ Ես, 43 երկար ու ձիգ տարիներ ապրելով օտար երկրում, որքան էլ տարօրինակ թվա, ապրել եմ միայն ֆիզիկապես , իսկ սիրտս ու հոգիս' եղել է իմ ժողովրդի, իմ մայր Հայրենիքի' Երկիր Նաիրիի հետ։ Մենք' այն ժողովուրդն ենք, որ հստակ է մեր ակունքների սկզբնավորությունը' այն որ, թե որտեղից? են մեր արմատները և որտեղից? ենք մենք գալիս։ Մենք' այն ժողովուրդն ենք, որ ունենք հարուստ գիր ու գրականություն, ունենք արքայական լեզու' հայոց լեզուն, որը ամենագեղեցիկն ու հարուստն է աշխարհի բոլոր լեզուներից։ Անվարան կարող ենք ասել ,-- ունենք հարուստ հայկական լավագույն ազգային ավանդույթներ' իրենց ւնեցած ծեսերով ու ս ովորություններով, որոնք հանդիսանում են մեր ինքնության առհավատչյան։Բայց, ցավով պիտի նշեմ, որ շատերս ստիպված ապրում ենք օտարության մեջ, շատերն էլ արտագնա աշխատանքի պատրվակով, տարագիրի ճամփան են բռնում' ընտանիքի հանապազորյա հացն ապահովելու համար։ Ավանդական ավանդույթներ ունեն նաև ուրիշ ազգերը, մենք' պիտի որ հարգենք նրանց ավանդույթները, բայց պարտավոր ենք նախ հարգել մերը։ Ունենք հայ ազգության բնավորության ինքնատիպ գծերով ձևավորված տաղանդավոր, խելացի երիտասարդներ, որոնք պարտավոր են պահպանելու և ժառանգաբար հաջորդ սերունդներին փոխանցելու մեր նախնիներից' ապուպապերից ժառանգած ազգային ավանդույթները' այն հայի ,,նամուս-թասիբ,,-ը, ոչ մի այլ ազգի մոտ դա չկա։ ,,Նամուս,, ասված բառի իմաստը , շատ ազգերի մոտ անհասկանալի բառ է, գիտենք' մենք ու մեր թշնամի երկիրը։ Հիմա մենք կորցնում ենք անվերադարձ այնպիսի արժեքներ, որն էլ հանդիսանում է մեր ազգային կոդը--ծածկագիրը։ Ես, կոչ չեմ անում վերադառնանք հայրենիք, չնայած դա չէր խանգարի, ուղղակի հայ մարդը, քանի որ հանուն լավ ապագայի զարմացրել է իր տոկունությամբ, խոհեմությամբ, ստեղծագործելու ունակությամբ, հայրենասիրական բարձր գիտակցությամբ, կոչ եմ անում' պահպանել մեր այս արժեքները։ Այսօր' մենք , կարծրացել ու կոշտացել ենք։ Մոռանում ենք բարությունը , մարդասիրությունն ու մարդկայնությունը։ Չենք ընկալում ,,մ ա ր դ ,, բառի իսկական իմաստն ու իր կատարած գործերը։ Եկեք, արժանապատիվ պահվածքով և առողջ ներքինով ' հարգանքով, նվիրումով, փոխըմբռնումով վերաբերվենք միմյանց, սա պիտի լինի մեր բոլորիս անկեղծ արարքները։ Բոլոր ժամանակներում էլ եղել են հարուստներ և աղքատներ։ Բայց, այսքան ա ն տ ա ր բ ե ր չեն եղել մեկը - մյուսի հանդեպ։ Երբ , ես վերջին անգամ եղա մեր հայրենի քում, ուղղակի զարմացա, հասկացա, որ այնտեղ ապրելը շատ դժվար է։ Այնտեղ ապրում են մեր քարերի պես ,,պինդ ,, մարդիկ, որոնց սիրտն էլ կամաց - կամաց քարանում է։ Մենք էլ դանդաղ դառնում ենք ուրիշ ազգերի նման։ Եկեք , անտարբերության փոխարեն և առաջացած դ ժ վ ա ր ու թ յ ու ն ն ե ր ի հանդեպ ' սիրով վերաբերվենք, սիրենք, որ լինի քաղցր կյանք։ Տեր իմ Աստված, օգնիր և զորավիգ եղիր հայ ազգիս ' հաղթահարելու ամեն մի դժվարություն, տուր բարեկեցիկ ապագա և խաղաղ կյանք։ Վերջացնելով այս գիր - ուղերձս, հորդորում եմ Ձեզ ' իմ սիրելի հայրենակիցներ, հարգանքով վերաբերվել միմյանց։ Շատ եմ ցանկանում, որ դրսում ապրողները, սերտ կապի մեջ լինեն Ջավախքի և ջավախքցիների հետ։ Եթե ներսից չքանդենք մեր ժողովրդի համար ' մեր պապերի կառուցած պարիսպները , ապա դրսից քանդելն ' անհնար կլինի։ Առողջ և ամուր եղեք։ Հարգանքներով ' Արամայիս Ադոյան
Следующая публикация
Комментарии 119