Менавіта пра яго мы і хочам расказаць вам сёння.
🍁 Дзяды — гэта свята памінання памерлых і ўдзячнасці продкам, якое адзначаецца ў першую суботу перад восьмым лістапада.
«Спачатку ішлі на могілкі да сваіх родных, прыбіралі ўсё да зімы, да снега. На магілах палілі агонь, ці проста раскладалі агенчыкі с печы як напамін пахавальнага агню».
Падрабязна расказваем пра структуру свята Дзяды 👇🏼
▫️ Напярэдадні гаспадыня ўвесь вечар гатавала ежу, каб колькасць блюд была няпарнай і не менш пяці.
▫️ У сам дзень з раніцы ўсе хатнія мыліся ў бані, пакідаючы крыху вады і венік для дзядоў.
▫️ Перад тым, як сесці вячэраць, гаспадар тры разы абыходзіў са свечкай стол, усе адчынялі вокны і дзверы і клікалі па імёнах продкаў.
▫️ На стол ставіліся асобная міска і чарка, клаліся лыжка і відэлец. Туды кожны з прысутных адліваў напоі і адкладаў ежу. У час вячэры гаварылі толькі пра продкаў і ўспаміналі іх учынкі і парады.
▫️ Пасля вячэры гаспадар хаты браў вялікі драўляны кубак, напаўняў вадой, клаў наверх дзедаўскі «курак», пакрываў яго рушніком, адчыняў браму і выпраўляў усіх нябожчыкаў: выліваў кубак убок могілак са славамі: «Ідзіце з Богам да наступных дзядоў!»
▫️ Пасля заканчэння вячэры свечку тушылі хлебнай скарынкай або блінам. Існавала прыкмета: калі дым пойдзе ўверх — добра, а калі нахілена (асабліва ўбок дзвярэй) — ў сям’і нехта памрэ.
Мы ўпэўненыя, што ў Беларусі існуе мноства цікавых лакальных традыцый на свята Дзяды. Будзем вельмі ўдзячныя, калі вы падзеліцеся сваімі ведамі ў каментарыях!
Матэрыял па тэме прадастаўлены экспертам Ганнай Старыковіч
Аўтар фота: Ларыса Шчыракова
Присоединяйтесь к ОК, чтобы посмотреть больше фото, видео и найти новых друзей.
Нет комментариев