«Я ўбачыў трупы мірных жыхароў, са звязанымі рукамі, вачыма, і гэтых трупаў было проста вельмі шмат» Так беларускі добраахвотнік Біл распавядае пра свой першы баявы выезд у Бучу. Ён абараняў Украіну ад самага пачатку вайны, а прыехаў туды без рэчаў і нават без дакументаў – з адной ксеракопіяй пашпарту. Біл распавёў журналістам нашай праграмы «Ваяры», як з’ехаў з Беларусі, уцёкшы з «хіміі», як далучыўся да іншых беларускіх добраахвотнікаў, а таксама пра тое, што страшна, а што не страшна на вайне. Паглядзіце! А цалкам гісторыю ваяра вы можаце паглядзець у плэйлісце «Ваяры» на нашым ютуб-канале БЕЛСАТ LIFE.
«Лукашэнка ніколі не трымае слова і будзе рабіць тое, што скажа Расея». Ціханоўская таксама пракаментавала магчымую просьбу Украіны не ўключаць Беларусь да пакету санкцыяў супраць РФ «Лукашэнка ніколі не трымае слова і будзе рабіць тое, што скажа Расея. Ягоная палітыка прывяла да пачатку вайны супраць Украіны, а таксама да пагрозы незалежнасці Беларусі. Яго саўдзел у вайне дазволіў адбыцца генацыду ў Бучы, Ірпені, Чарнігаўскай і Кіеўскай вобласцях. Таму саступкі яму ў разгар вайны толькі ствараюць для яго пачуццё беспакаранасці. Так ён упэўніваецца, што можа і далей праводзіць рэпрэсіі, забіваць людзей і дазваляць нападаць на Украіну з тэрыторыі Беларусі», – заявіла абраная прэзідэнтка Бе