О чем молятся праведным Иоакиму и Анне

Богоотцов Иоакима и Анну просят исходатайствовать у Господа для молящихся мирную, тихую и благочестивую жизнь, помощь во всех добрых делах, избавление от бед, напастей и внезапной смерти без покаяния, защиту от врагов видимых и невидимых. Их молят от помощи и во многих других духовных и телесных нуждах; специально им молятся о разрешении от бесплодия и даровании детей бездетным супругам.
Молитва
праведным Иоакиму и Анне
О приснославнии Христовы праведницы, святии Богоотцы Иоакиме и Анно, предстоящии Небесному Престолу Великаго Царя и велие дерзновение к Нему имущии, яко от Преблагословенныя Дщери вашея, Пречистыя Богородицы и Приснодевы Марии, воплотитися изволившему! К вам, яко многомощным предстателем и усердным о нас молитвенником, прибегаем мы, грешнии и недостойнии. Молите благость Его, яко да отвратит от нас гнев Свой, по делом нашим праведно на ны движимый, и да безчисленная прегрешения наша презрев, обратит нас на путь покаяния и на стези заповедей Своих да утвердит нас. Таже молитвами вашими в мире живот наш сохраните и во всех благих благое поспешение испросите, вся яже к животу и благочестию потребная нам от Бога дарующе, от всяких напастей и бед и напрасныя смерти предстательством вашим нас избавляюще, и от всех враг видимых и невидимых защищающе, яко да тихое и безмолвное житие поживем во всяком благочестии и чистоте, и тако, в мире временное сие житие прешедше, в вечный достигнем покой, идеже вашим святым умолением да сподобимся Небеснаго Царствия Христа Бога нашего, Емуже со Отцем и Пресвятым Духом подобает всякая слава, честь и поклонение во веки веков. Аминь.
© Михаил Тихомиров
Цитируется в сокращении по кн.: МОЛИТВЫ О РОЖДЕНИИ РЕБЕНКА. – М.: Изд. Тихомирова М.Ю., 2017, с. 32-34. ИС Р15-542-3658
Молитвы на разные случаи https://www.pravmolitva.ru/catalog/molitvy-na-raznye-sluchai.html