О чем молятся мученикам и исповедникам Гурию, Самону и Авиву

Предание сохранило одно из чудес, явленных мучениками. Жестокий муж положил свою жену в гроб живой; там она с верой молилась о спасении святым Гурию, Самону и Авиву и осталась жива. С тех пор этих мучеников и исповедников призывают на помощь «аще муж безвинно возненавидит жену свою». Им молятся о покровительстве семейному очагу, примирении супругов и прекращении ссор, даровании любви, единомыслия и добрых отношений между мужем и женой, сохранении их от бед. Святых просят также наставить на путь правый заблуждающихся, утешить страждущих и скорбящих, защитить православных от напастей, злых людей и козней демонских, испросить молящимся непорочную и целомудренную жизнь, избавить их от нападения внешних врагов и внутренних междоусобиц, от смертельных болезней и стихийных бедствий.
Молитва первая мученикам
и исповедникам Гурию, Самону и Авиву
О святии мученицы и исповедницы Христовы Гурие, Самоне и Авиве, теплии о нас ходатаи и молитвенницы пред Богом! Во умилении сердец наших, взирающе на пречистый ваш образ, смиренно молим вас: услышите нас, грешных и недостойных, сущих в бедах, скорбех и напастех, и презревше наша тяжкая и безчисленная прегрешения, явите нам свою великую милость, воздвигните нас из глубины греховныя, просветите наш ум, смягчите злое и окаянное сердце, прекратите зависть, вражду и раздоры, в нас живущия. Осените нас миром, любовию и страхом Божиим, умолите Милосердаго Господа, да покрыет множество грехов наших Своим неизреченным милосердием, да соблюдет Церковь Свою Святую от неверия, ересей и расколов, да подаст стране нашей мир, благоденствие, земли плодородие, супругом любовь и согласие, чадом послушание, обидимым терпение, обидящим страх Божий, скорбящим благодушие, радующимся воздержание, всех же нас да покрыет Своею всесильною десницею и да избавит от глада, губительства, труса, потопа, огня, меча, нашествия иноплеменников и междоусобныя брани, и напрасныя смерти, да оградит нас ополчением святых Своих Ангелов, во еже избавитися нам по исходе нашем из жития сего от козней лукаваго и тайных воздушных мытарств его и неосужденными предстати Престолу Господа Славы, идеже лицы святых Ангел со всеми святыми выну славят пресвятое и великолепое имя Отца и Сына и Святаго Духа, ныне и присно и во веки веков. Аминь.
Молитва вторая мученикам
и исповедникам Гурию, Самону и Авиву
О преславнии мученицы Гурие, Самоне и Авиве! К вам, яко скорым помощником и теплым молитвенником, мы, немощнии и недостойнии, прибегаем, усердно моляще: не презрите ны, во многая беззакония впадшия и по вся дни и часы согрешающия; наставите на путь правый заблуждшия, исцелите страждущия и скорбящия; соблюдите ны в непорочнем и целомудреннем житии, и якоже древле, тако и ныне покровителие супружеств пребудите, в любви и единомыслии сия утверждающе и от всех злых и бедственных обстояний избавляюще. Защитите, о многомощнии исповедницы, вся православныя христианы от напастей, злых человек и козней демонских; оградите я от нечаянныя смерти, умоляюще Всеблагаго Господа, да великия и богатыя милости нам, смиренным рабом Своим, пробавит. Несмы бо достойни нечистыми устнами призывати великолепое имя Создателя нашего, аще не вы, святии мученицы, за ны ходатаи будете; сего ради к вам прибегаем и предстательства вашего пред Господем о нас просим. Такожде избавите нас от глада, потопа, огня, меча, нашествия иноплеменных, междоусобныя брани, смертоносныя язвы и всякаго душепагубнаго обстояния. Ей, страстотерпцы Христовы, устройте нам молитвами вашими вся благая и полезная, да благочестно житие временное прешедше и кончину непостыдну стяжавше, удостоимся теплым заступлением вашим со всеми святыми одесную правосуднаго Бога Судии стати и Того непрестанно славити со Отцем и Святым Духом во веки веков. Аминь.
© Михаил Тихомиров
Цитируется в сокращении по кн.: МОЛИТВЫ О ПРИМИРЕНИИ СУПРУГОВ И ПРЕКРАЩЕНИИ ССОР. – М.: Изд. Тихомирова М.Ю., 2017, с. 35-38. ИС Р16-520-0947
Молитвы на разные случаи https://www.pravmolitva.ru/catalog/molitvy-na-raznye-sluchai.html