Паступае інфармацыя, што сёння пасля пачатку страйку ў адным з ГЦ Гомеля, адбыўся сход, на які прыйшоў прадстаўнік раёна і прыгразіў штрафамі тым ІП, хто не адкрыўся.
«Сказаў, што ўказа аб праверцы яшчэ не было. Хто сёння не працаваў – патрапіць пад адміністрацыйны штраф. Калі толькі не было паважнай прычыны і не апавясцілі за 5 дзён аб тым, што сёння працаваць не будзеце», – паведамляюць крыніцы.
Прадстаўніку адміністрацыі таксама задалі пытанне: «Ці можна ўключаць у нацэнку транспартныя выдаткі?» Адказ быў, што можна, але вось як даказваць гэтыя выдаткі – ніхто не растлумачыў, а чэкі з АЗС за бензін – не будуць пасаваць.
«Іпэшнікі не ведаюць як працаваць з цяперашнімі пастановамі, і невядома, ці будуць многія працаваць наогул. Сядзім і чакаем. Прадпрымальнікі, іх сем'і і работнікі на мяжы беспрацоўя. Гэта сотні тысяч чалавек ва ўмовах адчайнай эканомікі і цэн кратных двум і больш у параўнанні з лютым», – паведамляюць крыніцы.
Пазней, пасля пагроз штрафамі, вялікая частка ІП у Гомелі адкрыла крамы. Не выключана, што пасля паўдня такія сустрэчы адбыліся і на іншых рынках/ГЦ, дзе сёння страйкавалі ІП.
Аўтар: Вікторыя Воўк паводле motolkohelp
Гомельская вясна
Нет комментариев