Սուրբ է մեր հողը հայոց
Ամեն երկիր ունի հող
Ունի այգի, ծառ, տնկի,
Մրգեր ունի բազմազան
Սակայն այն համը չունի:
Հայոց հողը ուրիշ է,
Աստվածատուր բարիք է,
Օրհնված է քաղցրությամբ
Տիրոջ օծած սրբությամբ:
Հայոց բերքը անուշ է,
Մեղրից քաղցր ու մեղուշ է,
Ծիրան ունենք մյուռոն է
Ողջ աշխարհում մի հատ է։
Դեղձ ու խաղող, տանձ, խնձոր,
Նուռ, սերկևիլ ու սալոր,
Ճերմակ ու կարմիր բալը
Անմահական են համը...
Հայոց բերքի սերմերը
Շատ երկրներ տեղ գտան
Բայց անօծուն հողի մեջ
Կորցրեցին հոտ ու համ:
Սուրբ է հողը հայկական
Թող բոլորը իմանան
Սրբաջրով են օծվում
Ամեն մի թուփ ու տնկի...
Երբ Նոյն իջավ հայոց հողին
Աստված օրհնեց հայոց ազգին,
Օրհնեց հողը և սրբացրեց
Բերք ու բարիքն էլ քաղցրացրեց...
20-01-2017թ.
Էմմա Գրիգորյան
Присоединяйтесь к ОК, чтобы подписаться на группу и комментировать публикации.
Нет комментариев