Европадагы мусулмандардын саны 1990-жылдары 29.

6 млн болсо, 2010-жылы 44.1 млнго жеткен. Учурда Батыш Европанын мусулмандар көп жашаган аймагы катары Франция алдыңкы сапта, калктын 4.7 млну (7 %) мусулман. Германияда 4.1млн (4 %) , Улуу Британия 2.8 млн, (4.5%), Италия 1.5 млн (2,5 %), Испанияда 1 млн адам (2.2 %) мусулманчылыкты карманышат. Ал эми Орусия калкынын 16 млну мусулман, (12 %). Социологдордун болжолу боюнча, алдыда мусулмандардын саны мындан да жогорулайт. Алар мындай ишенимдүү болжолдорун адамдардын күнүмдүк жашоосундагы исламдык принциптерге ыктап бара жаткандыгы менен түшүндүрүшөт. Ошондой эле социологдор Улуу Британияда мусулмандардын өсүшү айкын байкалып жатканын баса белгилешет. Бул өлкөдөгү мамлекеттик деңгээлдеги исламдык каржылоо, адал стандартташтыруу саясаты мусулманчылыктын кеңири жайылышына өбөлгө болуп жатат.
Албетте, Аллах туура жолго салганды эч ким адаштыра албайт, адаштырганын эч ким тууралай албайт. Ал эми туура жол табуудан өткөн бакыт жок! Ким ушул жолду тапса, Аллахка миң мертебе шүгүр келтирсин. Батышпы, Чыгышпы, Түндүкпү, Түштүкпү ушул жол менен гана бакытка тунат, пайда табат. Ушул жолду аңдаганга, издегенге, тандаганга, айырмалаганга Жараткан акылды берген...