Збіраліся на “Пасядзеўкі” падвесці вынікі нашай працы за мінулы год і скласці план на гэты.

Сустрэчу падрыхтавала наш звычайны арганізатар і вядоўца Вера Буланда, якая на гэты раз не мела магчымасці прысутнічаць. Паседжанне выдатна правяла адна з нашых старэйшых пісьменніц Галіна Каржанеўская. Пасля пілі гарбату, чыталі свае вершы, абмяркоўвалі іх, дзяліліся новымі публікацыямі, навінамі друку. Вырашылі пакінуць гэтую назву нашага жаночага руху за ўнутранымі зносінамі а прэзентаваць сябе ў якасці жаночага клуба “САЛАМЕЯ”. Спадзяемся, што нашым прыхільнікам спадабаецца гэтае імя, якое ўвасабляе шмат таемстваў у сусветнай гісторыі, гісторыі нашай зямлі і нават ужо гісторыі неба, якое мае астэроід “Саламея” і, наогул, перакладаецца, як “мір”. Жанчына і прызваная абараняць мір, жыццё на зямлі, як абараняе сваё дзіця. Беларуская Саламея першы доктар ВкЛ, асветніца, пісьменніца, аўтар мемуараў “Авантуры майго жыцця” прыклад яркага жыцця жанчыны. Паглядзім, можа быць, прыжывецца і ў нашым клубе.