СПАДЗЯЕМСЯ НА ЦЯПЛО...

Не дужа ветліва сустрэў нас чэрвень -
Халодны восеньскі лупцуе дождж.
Ды спадзяемся, на цяпло паверне -
Павінна ж лета пеставаць усё ж.
Даволі плакаць, шэрыя нябёсы,
Змяніць на міласць паспяшайце злосць.
Блакітам размалюйце свае кросны -
Спавіце сумны дзень у прыгажосць.
Пазычце сонца некалькі глыточкаў -
Няхай у вокны радасць зазірне
І кожны мой няўрымслівы радочак
У колеры вясёлкі апране!
02.06 - 2020 г.