"Кун уз" нашрининг 13 августда хабар беришича, муфтий Усмонхон Алимов Маккада Ҳажга борган ўзбекистонлик зиёратчилар билан учрашувда бу ҳақда маълум қилди.
"Тақвимда ёзиб қўйилган: Ойга қараб бир кунда ўзгариши мумкин. Саудияда Ойни кўришибди, шунинг учун Зулҳижжа ойи киргандан кейин, иншааллоҳ 21 август куни Ҳайит намози бўлади. Биз Тошкентга ҳам хабарини бердик - ўзимизнинг юртимизда ҳам 21 август куни Худо хоҳласа, Ҳайит намози ўқилади", - деб айтган муфтий.
Бироқ бу масалада ҳали Ўзбекистон мусулмонлари диний идораси ва ҳукумат расмийлари расман маълумот бергани йўқ.
Қирғизистон мусулмонлари диний идорасининг расмий сайти бўлган muftiyat.kg жорий йилнинг 12 август куни Қирғистонда Қурбон ҳайитининг биринчи куни 21 августга тўғри келишини маълум қилган эди.
Расмий сайт баёнотида 20 август Арафа куни, 21 август эса Қурбон ҳайитининг биринчи куни экани айтилган.
Присоединяйтесь к ОК, чтобы подписаться на группу и комментировать публикации.
Комментарии 22