Бугун Онажонимни туғилган кунлари

Онажоним пойингизга ҳоки пойондоз бўлай
Кулиб турган кўзларингизга чакнаган нур бўлай
Юз ёшга етканингизда қўлингиздан тутиб юрай
Бугун сизга таъзимдаман қалби дарё жонажоним
Туғилган кун муборак меҳрибоним Онажоним!
Бизни гудаклик чоғидан вояга етказдингиз
Ухламай кечаларни тун бедор ўтказдингиз
Фарзанд камолин кўриб ғамларни кетказдингиз
Бугун сизга таъзимдаман қалби дарё жонажоним
Туғилган кун муборак меҳрибоним Онажоним!
Ҳаёт қийинчиликларин сиз мардона енгдингиз
Сувлар келса симириб тоғларни емирдингиз
Болам униб-ўссин деб не кунларни кўрдингиз
Бугун сизга таъзимдаман қалби дарё жонажоним
Туғилган кун муборак меҳрибоним Онажоним!
Оллоҳимдан сўрайман Хажга етказсин сизни
Набиралар шўх кулгуси тўлдирсин уйингизни
Ўгил-қизлар бахтига узок қилсин умрингизни
Дадажоним пок рухлари доим қўлласин сизни
Бугун сизга таъзимдаман қалби дарё жонажоним
Туғилган кун муборак меҳрибоним Онажоним!!!
Дили Хаста
03 август 2014 йил