Түбән Камада гриппка каршы вакцинация башланды

Табиблар түбәнкамалыларга көз башына кадәр балаларга грипптан прививка ясатырга киңәш итә.
Шәһәрдә гриппка каршы вакцинация башланды инде. Табиблар прививканы алдан, йогышлы авыру сезоны башланганчы ясарга киңәш итә. Болай эшләгәндә, вирус тарала башлаганчы организмга гриппка иммунитет булдырырга мөмкин булачак. Сезонлы авырулардан саклану чаралары, беренче чиратта, балалар өчен мөһим.