газета "Няръяна Нгэрм" и "Мынико" Паднанан’ ӈэбат – падан’’ 📖

Ӈэрм’ тер’’ серо тасламбада департамент харе’’ вадавнандо’ паднани’’ ненэцие’’ е’’эмня ӈадимдембада конкурсмда пя. Хусувэй по’ минрена пирдырмадо’ Л.В. Лапцуй’, П.Е. Салтыков’, С.И. Ириков’ премия нюбе’’ӈа.
Ненэця’ вадам’, хаби’’ няби тасу’ хаби’’ вадам’ теневани’’ падвы ӈате’’. Вэба’ иры’ 25 яляхад тарана падро ма’’ламби’’. Носиндалава’ иры’ 13 яляхана ёльцянда ханда.
Таддикахад тенера’’! Падвыда’’ Ямална’’ тиӈгывна ӈадиберта ӈэрм’ тер’’ ненэцие’’ газетаха’’на ялян’ ӈадимдевы ӈэбто’ серо’’ӈа’’. Ӈамгэ’ нямна падна сава? Ненадовна тарця’’ тара’’:
⚡ «Родная речь»,
⚡ «Община – вчера, сегодня, завтра»,
⚡ «Ямал – мой дом»,
⚡ «Семья».
Пирдырма’ мале’’мяхад няхар’’ ва’’лёйм’ тэраӈгу’’: ненэй ненэцям’, хабим’, тасу’ хабим’. Хусувэндо’ ня’’мавы еся самляӈг ю’’ ёнар’’ ӈэӈгу. Тамна ӈанихи’’ ненадумда’’ми падро мипсеты’’.
Манзаида’’ интернет мутравна Dkmns@yanao.ru электронной почтавна ӈэдарамбида’’. Тэри почтандо’ адрес ӈани’ таня: 629008, г. Салехард, ул. Гаврюшина, д.17. Хонраван’ харванам’ тюку телефонувна 8 (34922) 6-70-21 намдарара’’.