Предыдущая публикация
Шошо тольо, мландына ужаргыш
Ломбо пуш йырваш шарла,
Ош пеледыш мардеж ден лÿҥгалтын,
Эртен кайше жапыш угыч пöртылта.
Лийын пагыт, вуйым аҥыртарше
Кудыр ломбо, тый чыла шарнет
Мыняр каче шулдырет йымаке
Ӱдыр таҥжым конден тый декет .
Йÿд каваже, шÿдырым кышкалын,
Сорла тылзе шыпак эскерен,
Ӱжара лекмешке яжар шÿшпык,
Нунлан веле мурыжым мурен.
Йöратен ончем мый ломбым
Лывырге укшетым колтем ниялтен.
Кажне шошым пеледат сöралын,
Мыйын шÿмым жаплан сусыртен.
02.05.2024 ий
Ӱлыл Азъял
/Эльза Кузьмина/
#эльзакузьмина
Присоединяйтесь к ОК, чтобы подписаться на группу и комментировать публикации.
Комментарии 26
. тазалыкым да у почеламутым возашет куштылгылыкым желатлем