Ҫӗртме уйӑхӗн 20 - 21-мӗш кунӗсенче Чӑваш Республикинчи Муркаш районӗнчи Мӑн Сӗнтӗр (Б.

Сундырь) салинче вырнаҫнӑ Юра Туринген Керемне курма ятарласа кайрӑм. Эпӗ Юрӑпа Надьӑн килӗнче хӑнара пултӑм. Питӗ савӑнса ҫак сӑваплӑ вырӑнпа паллашрӑм. Ку Керем, чӑнах та, калама ҫук пӗлтерӗшлӗ вырӑн, ӑна кашни чӑваш курма, унта пулса курма тӑрӑшмалла. Юра ӑна темиҫе ҫул хушшинче хӑйӗн шухӑш - ӗмӗчӗ тӑрӑх тунӑ, кӳлеписене Слава Эткер ӳнерҫӗ ӑсталанӑ.
Ман шухӑшпа, ҫак Керем уйрӑмах паллӑ вырӑн (достопримечателньность) Мӑн Сӗнтӗрте, Муркаш районӗнче, Чӑваш республикинче. Ҫак Кереме тытса тӑма, аталантарма кашни чӑваш, Ниме йӗркипе, хамӑрӑн мӑчавара пулӑшмаллах.