Літаратурны вечар “Чароўны свет бібліятэк” адбыўся ў Мікашэвіцкай гарадской бібліятэцы да Дня бібліятэк

Распачала вечар госць бібліятэкі – беларускамоўная паэтка, член народнай літаратурна-паэтычнай студыі “Літаратурная правінцыя” пры Лунінецкай цэнтральнай раённай бібліятэцы, народнай паэтычнай студыі “Муза” пры Лунінецкім гарадскім Доме культуры Валянціна Іванаўна Трухнова.
Валянціна Іванаўна павіншавала работнікаў бібліятэкі і ўдзельнікаў мерапрыемства з Днём бібліятэк, распавяла аб сваім шляху да творчасці, прачытала свае вершы. Таксама паэтка падаравала бібліятэцы зборнікі сваіх вершаў.
У другой частцы мерапрыемства вядучая бібліятэкар Хатынюк Марыя Васільеўна расказала аб гісторыі стварэння пісьменнасці на Беларусі, аб нашых асветніках, пісьменніках, якія складаюць гонар нашай краіны, аб гісторыі з’яўлення бібліятэк. Удзельнікі мерапрыемства падзяліліся сваімі ўражаннямі ад наведвання Нацыянальнай бібліятэкі Беларусі.
Завершыўся бібліятэчны вечар чытаннем вершаў аб мове, аб Беларусі, аб кнізе, аб нашых выдатных пісьменніках і асветніках, а таксама віктарынай прысвечанай гісторыі пісьменства і літаратуры.
Марыя Хатынюк, бібліятэкар Мікашэвіцкай гарадской бібліятэкі lnc.by , 13.09.2025г.