ეგებ გოგომ დოქი ღვინით გუნებაზე მოგვიყვანოს,
ნაღვინევზე გაგვაგრილებს მოჩხრიალე რაჩხა,
წამომყევი მოგეფერო, ყურში გითხრა რაცხა.
წამომყევი ლადოს ლექსით გადაბარდნილ ბარდნალას,
ახალჭალის მწვერვალებზე თოვლი ჯერ არ დამდნარა,
მზის სხივებით შუბლგახსნილი გველოდება ხვამლი,
ცისარტყელას გაუფანტავს მთებზე ნისლის კვამლი.
წამომყევი ჯონოულის ხეობაში საკალმახოდ,
წამომყევი, დამიჯერე, უკეთესი ვერსად ნახო,
სიყვარულზე გესაუბრო ლაჯანურის ჩქერის ჰანგზე,
თვალზე ცრემლი ჩამოგბანო ლაშიჭალის მჟავე წყალზე,
მურის ციხის ქონგურიდან გადმოვხედოთ ცხენისწყალს,
მე შენი და ამ ლურჯი ცის სიყვარული შემიჩნდა.
წამომყევი და იხილე მხარე ჯერ არნახული,
დაგვხვდებიან ლეჩხუმლები მადლიანი მაყრულით,
წამომყევი ეზოს ბოლოს მოგიტეხო ნედლი ტარო,
რომ ლეჩხუმით მოხიბლულმა მეც როგორმე შემიყვარო.
Присоединяйтесь к ОК, чтобы посмотреть больше фото, видео и найти новых друзей.
Комментарии 2