Асноўныя намаганні будуць сканцэнтраваны на:
- прыняцці сістэмных мер індывідуальнай прафілактыкі правапарушэнняў, мер прэвентыўнага ўздзеяння да грамадзян, якія ажыццяўляюць хатні гвалт;
- прыцягненні максімальнай колькасці зацікаўленых да вырашэння праблем, звязаных з хатнім гвалтам;
- аказання садзейнічання ў працаўладкаванні непрацуючым асобам, якія ўчынілі хатні гвалт і асобам, якія пацярпелі ад яго;
- прыняцці мер па максімальным ахопе наркалагічнай дапамогай грамадзянам,якія два і больш разоў прыцягваліся да адміністрацыйнай адказнасці ў стане алкагольнага ап'янення, у т. л. за хатні гвалт;
- растлумачэнне палажэнняў заканадаўства па папярэджанні хатняга гвалту.
Прафілактыка гвалту ў сям'і з'яўляецца адным з прыярытэтных напрамкаў службовай дзейнасці органаў унутраных спраў (далей – АУС). На факты хатняга гвалту супрацоўнікі АУС рэагуюць неадкладна. Хатні гвалт - гэта наўмысныя супрацьпраўныя альбо амаральныя дзеянні фізічнага, псіхалагічнага або сэксуальнага характару блізкіх сваякоў, былых мужа і жонкі, грамадзян, якія маюць агульнае дзіця (дзяцей), альбо іншых грамадзян, якія пражываюць (пражывалі) сумесна і вядуць (вялі) агульную гаспадарку, у адносінах адзін да аднаго, якія прычыняюць фізічныя і (або) псіхічныя пакуты.
За правапарушэнні ў сферы хатняга гвалту ў залежнасці ад іх цяжару прадугледжана адміністрацыйная і крымінальная адказнасць. Са згоды пацярпелага ад хатняга гвалту скандалісту аб'яўляецца ахоўнае прадпісанне, г.зн., усталяванне грамадзяніну часовых забаронаў на здзяйсненне пэўных дзеянняў, а менавіта:
- прадпрымаць спробы высвятляць месца знаходжання пацярпелага (пацярпелых) ад хатняга гвалту, калі гэты пацярпелы (пацярпелыя) знаходзіцца (знаходзяцца) у месцы, невядомым грамадзяніну, які здзейсніў хатні гвалт;
- наведваць месцы знаходжання пацярпелага (пацярпелых) ад хатняга гвалту, калі гэты пацярпелы (пацярпелыя) часова знаходзіцца (знаходзяцца) па-за сумеснага месца жыхарства або месца знаходжання;
- мець зносіны з пацярпелым (пацярпелымі) ад хатняга гвалту, у тым ліку па тэлефоне, з выкарыстаннем глабальнай камп'ютарнай сеткі Інтэрнэт;
- распараджацца агульнай сумеснай з пацярпелым (пацярпелымі) ад хатняга гвалту ўласнасцю;
- абавязак часова (магчыма ўжыць да 30 сутак) пакінуць агульнае з пацярпелым (пацярпелымі) ад хатняга гвалту жылое памяшканне.
Грамадзянам, у дачыненні да якіх прыменена ахоўнае прадпісанне і якім няма дзе пражываць у перыяд яго дзеяння рашэннем Навагрудскага раённага выканаўчага камітэта вызначана месца, якое знаходзіцца па адрасе: г.Навагрудак, вул. Гродзенская, д. 14, кв. 1. Ключы ад названай кватэры і засяленне ў яе забяспечваюць супрацоўнікі АУС Навагрудскага райвыканкама, якія непасрэдна праводзяць праверку ў рамках ПВКаАП РБ і КПК РБ па фактах хатняга гвалту.
Важна адзначыць, што прадугледжаны меры па аказанні бязвыплатнай дапамогі ахвярам хатняга гвалту. У структуры органаў сацыяльнай абароны створаны і дзейнічаюць цэнтры сацыяльнага абслугоўвання насельніцтва, якія аказваюць псіхалагічную, юрыдычную і сацыяльную дапамогу грамадзянам, якія перажываюць хатні гвалт. У названых цэнтрах створаны "крызісныя пакоі", дзе ахвяра хатняга гвалту можа часова пасяліцца на тэрмін да 10 дзён. Пры неабходнасці дадзены тэрмін падаўжаецца.
Крызісны пакой знаходзіцца па адрасе: г. Навагрудак, вул. Швейная, д.4, у працоўны час тэл. 4-25-26, у начны час і выхадныя дні тэл. 80291286704.
Калі асоба, пацярпелая ад хатняга гвалту, не жадае звяртацца ў АУС з пісьмовай заявай аб прыцягненні да ўстаноўленай заканадаўствам адказнасці скандаліста па прычыне страху ці іншай залежнасці ад дадзенай асобы, пры гэтым рызыка хатняга гвалту усталявана як высокая, пазбегнуць адказнасці скандалісту не атрымаецца, так як няўхільнасць пакарання будзе забяспечана пракуратурай раёна па хадайніцтве АУС.
Памятайце! Для нас, часам міжвольным сведкам, важна не заставацца абыякавым ла хатняга гвалту. Вы можаце захаваць жыццё і здароўе акружаючым, своечасова паведаміўшы пра гэта на лінію 102.
Присоединяйтесь к ОК, чтобы подписаться на группу и комментировать публикации.
Нет комментариев