Тропарь Недели жен-мироносиц, глас 2
Мироно́сицам жена́м при гро́бе предста́в А́нгел, вопия́ше:/ ми́ра ме́ртвым суть прили́чна,/ Христо́с же истле́ния яви́ся чуждь./ Но возопи́йте: воскре́се Госпо́дь,// подая́й ми́рови ве́лию ми́лость.
Перевод:
Женам-мироносицам представ у гробницы, Ангел восклицал: «Миро приличествует мертвым, Христос же явился тлению неподвластным; лучше возгласите: Воскрес Господь, дарующий миру великую милость!»
Ин тропарь Недели жен-мироносиц, глас 2
Благообра́зный Ио́сиф с дре́ва снем Пречи́стое Твое́ те́ло,/ плащани́цею чи́стою обви́в,/ и благоуха́ньми во гро́бе но́ве закры́в положи́;/ но тридне́вен воскре́сл еси́, Го́споди,// подая́й ми́рови ве́лию ми́лость.
Кондак Недели жен-мироносиц, глас 2
Ра́доватися мироно́сицам повеле́л еси́,/ плач прама́тере Е́вы утоли́л еси́/ воскресе́нием Твои́м, Христе́ Бо́же,/ апо́столом же Твои́м пропове́дати повеле́л еси́:// Спас воскре́се от гро́ба.
Перевод: «Радуйтесь», - мироносицам возгласив, плач праматери Евы прекратил Ты воскресением Твоим, Христе Боже; Апостолам же Твоим повелел провозглашать: «Спаситель воскрес из гроба!»
Молитва Святым Женам-мироносицам.
О святыя жены мироносицы, всехвальныя Христовы ученицы! К вам мы, грешнии и недостойнии, ныне усердно прибегаем и во умилении сердец наших молимся. Вы паче всех благ земных Сладчайшаго Господа Иисуса возлюбисте и Тому чрез все житие добре последовасте, Божественным учением Его и благодатию души своя питающе и множество человек к чудному свету Христову приводяще. Испросите и нам у Христа Бога благодать просвещающую и освящающую нас, да ею осеняемы, в вере и благочестии в подвизех любви и самоотвержения преуспевати будем, и Христу в ближних Его служити неленостно потщимся. О святыя жены! Вы бодренно благодатию Божиею житие на земли препроводивше и во обители Небесныя радостно отшедше, притекосте. Молите убо Христа Спаса, да и нас сподобит странствие наше земное, во временнем сем веце непреткновенно совершити, и в мире и покаянии житие наше скончати, да тако во святыни на земли поживше, вечныя и блаженныя жизни на Небеси сподобимся, и тамо с вами и со всеми святыми вкупе восхвалим Троицу Единосущную и Нераздельную и воспоим едино Божество, Отца и Сына и Всесвятаго Духа и истее благодати Божия причастники будем в невечернем дни Царствия Его во веки веков. Аминь.
Также, обращаясь к Святым Женам-мироносицам, читают другую молитву.
О святии Марфо и Марие и прочии святыя жены-мироносицы! Умолите Возлюбленнаго вами и вас возлюбившаго Сладчайшаго Иисуса, Егоже вы исповедали есте Христа, Сына Божия, да даст и нам, грешным рабам Божиим (имена), грехов оставление, в вере правей нелицемерное и твердое стояние. Вселите в сердца наша дух страха Божия, смиреннаго на Бога упования, терпения и ко ближним милосердия. Избавите нас молитвами вашими от искушений житейских, бед и напастей, да тихое и мирное житие поживше зде, с помыслы непорочными и сердцем чистым, предстанем на оный Страшный суд, и добрый ответ на нем воздавше, радости неизреченныя во Царствии Небеснем сподобимся во веки веков.
К Святым Марфе и Марии обращаются с мольбами испросить у Господа для Православных прощение и оставление грехов, твердую Веру, страх Божий, смирение, терпение и милосердие к ближним, избавление от житейских искушений, бед и напастей. Женщины молятся им о помощи в трудных жизненных ситуациях, тяжких бедах и скорбях, о даровании молитвы и искреннего покаяния, возобновлении духовном и восстановлении сил, об избавлении от соблазнов Мира сего. Святые Марфа и Мария почитаются также как покровительницы жён Священнослужителей и мирян, которые трудятся в Церкви.
Нет комментариев