Дар доираи Форуми байналмилалии иқтисодии Осиёи Марказӣ - 2025 дар Душанбе ҷаласаи мавзӯӣ таҳти унвони «Ояндаи Осиёи Марказӣ: энергетика, об ва устувории иқлимӣ» баргузор гардид.

Иштирокчиён дар мавриди он, ки чӣ гуна тағирёбии иқлим, талаботи афзоянда ба захираҳо ва тақсимоти нобаробари иқтидорҳо меъмории нави рушди устуворро ташаккул медиҳанд, сӯҳбат карданд.
Яке аз баромадкунандагони иҷлосия муовини вазири энергетика ва захираҳои оби Тоҷикистон Сафарзода Манучеҳр буд. Ӯ таъкид намуд: "Мо бо воқеияти нав дучор ҳастем. Тағйирёбии иқлим обшавии пиряхҳоро тезонида, дар натиҷа дастрасии захираҳои обӣ коҳиш ёфта, сарборӣ ба гидроэнергетика меафзояд. Аз ин лиҳоз рафтори системавӣ ва муттаҳидкунии кӯшишҳои тамоми кишварҳои минтақа зарур аст".
Дар қатори мавзӯҳои баррасишуда пешбурди сохтмони нерӯгоҳи Роғун, лоиҳаи CASA-1000, инчунин гузариш ба нерӯи офтобу шамолӣ низ буд. Ҳамчун манбаи асосии гузариши энергия гази табиӣ ва гази табиии моеъ муайян карда шуданд, ки барои кам кардани сарбории карбон бидуни осебрасонӣ ба устувории таҳвилот мусоидат мекунанд. Форуми байналмилалии иқтисодии Осиёи Марказӣ - 2025 нишон дод, ки энергетика, экология ва иқлим унсурҳои ҷудонашавандаи стратегияи умумӣ барои ояндаи устувори Осиёи Марказӣ мебошанд.