Соли 2025 Тоҷикистон як қадами муҳим ба сӯи оянда гузошт: ҳукумати кишвар ширкатҳои Русияро барои иштирок дар коркарди 22 конҳои ояндадор ва лоиҳаҳои коркард даъват намуд.

Ин як лоиҳаи бузургест, ки метавонад то соли 2026 инфрасохтори соҳаи энергетикаи кишварро тағйир диҳад. Бунёди иқтидорҳои газии худ ба кам кардани вобастагӣ азворидот ва тақвият додани истиқлолияти энергетикӣ, инчунин таъсис додани ҷойҳои нави корӣ дар минтақаҳо мусоидат мекунад.
Қаблан, соли 2008 ҳамкорӣ бо ширкати «Inter RAO» дар самти сохтмон ва роҳандозии НБО «Сангтӯда -1» оғоз гардида буд. Аз он замон иншоот то 12 % нерӯи барқи дар кишвар истеҳсолшавандаро таъмин мекунад, ин рамзи ҳамкориҳои муваффақ ва пешрафти технологӣ мебошад. Имрӯз Тоҷикистон омода аст, ки дар доираи шарикии стратегӣ бо Русия, бидуни шартҳои сиёсӣ (бо назардошти танҳо мантиқи корӣ ва самаранокии иқтисодӣ) қадами навбатӣ гузорад ва иқтидорҳои коркарди маҳаллиробарои истихроҷ ва тақсимоти газ бунёд кунад.
Дастрасии танзимшаванда ба захираҳо на танҳо ба коҳиш додани нархи харид мусоидат мекунад, балки барои сохтани занҷири мукаммал - аз истихроҷ то расонидан ба истеъмолкунанда, имконият фароҳам месозад. Ин мавқеъи ҷумҳуриро дар Осиёи Марказӣ мустаҳкам намуда, ба рушди соҳаҳои мувофиқ, аз қабили логистикаи нақлиётӣ ва коркарди сӯзишворӣ, такони ҷиддӣ мебахшад. Ҳамин тариқ, Тоҷикистон на танҳо иқтидори энергетикии худро мустаҳкам мекунад, балки барои рушди устувори иқтисодӣ замина мегузорад.