Бо омӯхтани кайҳон имконияти  кашф кардани технологияҳои нав  пайдо гардид, аз ҷумла: алоқа ва навигатсия (GPS), интернет, телевизиони радифӣ, дастгоҳҳои сайёри рентгенӣ, ҳароратсанҷҳои инфрасурх ва ҳатто роҳҳои пешгирии баъзе бемориҳо муайян карда шуданд. ИДМ - иттиҳодияи давлатҳоест, ки масоҳати калон доранд, ва ҳамкории онҳо дар соҳаи азхудкунии кайҳон бо мақсадҳои осоишта  имкон медиҳад, ки амният ва кафолати дастрасӣ ба фазои кайҳонӣ таъмин карда шавад, инчунин  барномаҳои байнидавлатии дарозмуддати самарабахш ва лоиҳаҳои калон амалӣ гардонида шаванд. Яке аз масъалаҳои мубрам дар шароити имрӯзатаҳқиқи фосилавии Замин мебошад, ки бо бисёр масъалаҳо вобастагӣ дорад, аз ҷумла: харитаҳо, назорати сарҳадҳо, таъмини амният, назорати ҳаракати нақлиёт, инчунин муаммоҳои экологӣ, ба монанди нигоҳдории захираҳои обӣ, ҷангалӣ, пиряхҳо. Ҳарчанд Шӯрои ИДМ оид ба кайҳон дарҳол пас аз таъсис ёфтани ИДМ ташкил шуда буд, вале фаъолияти бештар ва пурсамар дар ин соҳа дар даҳсолаи охир  мушоҳида карда мешавад. Ҷаласаи навбатии панҷуми Шӯрои ИДМ оид ба кайҳон соли оянда дар Узбекистон баргузор мегардад.