Нефтекамала Фәриҙә Ҡудашева исемендәге "Дуҫлыҡ моңо" башҡорт һәм татар йырҙарын башҡарыусыларҙың Халыҡ-ара фестивалендә"Ейәнсура һандуғасы" Әлфиә Мырҙабаева Гран-при яуланы!

Ҡотлайбыҙ!!!
***
5-7 апрелдә үткән Фестивалдә Башҡортостандан, Татарстандан, Санкт-Петербургтан, Мәскәүҙән, Ырымбур, Кемеров, Ульяновск, Силәбе, Ҡурған өлкәләренән, Пермь крайынан, Удмуртиянан, шулай уҡ Белоруссиянан, Ҡаҙағстандан һәм Ҡырғыҙстандан 52 конкурсант ҡатнашты. Халыҡ-ара фестиваль өс этапта үтте. Һәр ҡатнашыусы башҡорт һәм татар халыҡ йырҙарын, башҡорт һәм татар профессиональ композиторҙарының эстрада йырҙарын башҡарҙы.