Бой чорики аз ху тоқтир тар дарго чухч йив ғал ар ахлот дарун хикиртат арчизаф зиведдат хирт азаманд.Баьди лӯвҷ ë Мавло шукрат турд дирангтиюм фақир нист.Йу фақир чистиди ви палива йи девин нагҷист.Лӯвҷи е Худой турд шукратиди ди рангти девинат му ца начуғҷ. Йу девин чистиди ви паливаен йи касал нағзимтху тар больницен ведд.Лӯвҷи ë Худой шукрат турдиди тар болницум ца нист.Йу касал дед тар болницху чост йив тарам муғҷат тар морген ви ëд.Касали лӯвҷ ë Мавло шукри турдиди зиндаюм ца яст.Фақат йи мурда дӯнд аз Худой шукригузорӣ чидов навардед.Пас Вет шукрат кинамиди мам ду рузинҷа дунëяндам зинда ца яст.
Барои биди фамтови зиндагӣ,маш бояд тар 3 ҷой савам.
1.Тар больниц.
2.Тар зиндӯн.
3.Тар қабарастин.
Тар больниц фамамиди ичизаф аз салӯмати волотар нист.
Тар зиндӯн фамамиди ичизаф кимматтарин аз озоди нист.
Тар қабарастин фамамиди мам дунëянд умри одаминанд арзиш нист.
Ми заминат хоктир маш понд ца тиям хумнеям ик ми пи бир.Пас вет ар чизи Худойи Таъолло машард ца дакчуғҷ ик мирд шукригузори кинам.Оқибати фук табақаени одаменанд веф ҷой ар хок.
Аҷал хезанд фарқ нист тут бойу камбағал,ëшато пир,ғиникато чорик.
Нурам яст шукри лӯвам. Хумне хабар савам дер судҷ. Мавлоҷӯн ичияф хорат, зорат, заифат,дарбадарат,пи ичидӯм нокасат номарданд мубтало макихт. ОМИН....
(Қадам...
17,06,2018))
http://www.dialog.tj/news/tadzhikskie-chinovniki-reshili-vvesti-nalog-na-google
Присоединяйтесь к ОК, чтобы подписаться на группу и комментировать публикации.
Нет комментариев