Мы из Мамадыш-Акилова .Зеленодольский Татарстан..

10.
Зираттан чыккач, әллә нәрсә булды Маратка. Хәле бетте. Шулай да руль артына утырып, район үзәгендәге өенә кайтып китте. Имен-аман кайтып җитте җитүен. Тик кайткач урын өстендә ятты да тиз генә тора алмады. Әллә нишләтте шул аны зиратта туган уйлары. Әллә гомернең шулкадәр кыска булуы йөрәгенә үтте, әллә әти-әнисенең каберенә кайтмавы, карамавы өчен вөҗдан газабы кичерде, әллә юлда йөрү ярамады - аңламады Марат. Һәрхәлдә, теге дөньяда аның танышлары бу дөньядагы танышларына караганда күбрәк сыман тоелды Маратка. Хәленең алга таба бармавын үзе дә тоемлый иде инде анысы. Тик дәваханәгә баруны торган саен кичектерде шул. Әйтерсең лә ул үзенең чиренә күз йомып караса, чир дә чигенә. Бу кечкен